سوااااليفـ اخر العــــطلهـ
بسم الله الرحمن الرحيم
كيف الحال يااامعشر الزعماء
خل ابدا بالموضوع بدون أي مقدمات !!
اول شي لا بد من المسلم الصبر عند المصيبه
لا حول ولا قوة الا بالله
مدري وش اقولكم !!
بس احسن الله عزاكم وعظم الله اجركم في بداااية الدراسه
ونهاية العطله 
= = = =
ترا الموضوع سواليف بداية الدراسة بس حطيته انا اخر العطله
(نفسيا ) لان الطب الحديث يقول : (( اذا اراد الواحد يحط موضوع في المنتدى لابد ان يختار كلمات محببه الى النفس 
) ) اللي قال هذي المقوله العالم الكولمبي جون بلاتر >>> اخوى راعي الفيفا
الحمد لله قضت الدراسه قبل 3 شهور 
وجت العطله وقضت وكل واحد طلع بشي من هــ العطله 
انا طلعت ولله الحمد من المدرسه 
طبعاً الموضوع ان شاء الله يعجبكم >> واثق لانه كله انتقاد في الثلاث شهور اللي راحت
يعني الاماااكن اللي ماعجبتني >>>اقول اخلص بس
= = = =
مباراة السعوديه وتونس
اكيد تذكرون ذيك المبارة 
انا اقولكم ان ذيك المباره في المومري تدرون ليش!!!
>>> احس الموضوع بيروح لقسم المنتخب السعودي ! انا اقولكم ليش ؟
لان نسبتي طلعت في ذاااك اليوم
8
8
هذا اول اسبوع في العطله
= = =
الاسبوع الثاني والثالث
مااذكر شي فيها
بس لازم انتقد ابرد قلبي
في شي
قاااااهرني 
ورافع ظغطي 
وجاايب لي السكر 
يعني ((مطفرني ))
الا وهو شركة الاتصالات السعوديه 
( صوره واحد يصفق يديه ويحكها مع بعض
>>من الحماااااس) لاحول ولا قوة الا بالله
شركه زرف
صراااحه علاقتي بها على احسن مااايراام علاقة صارق ومصروووق
تدرون ان ماافيه مزود انترنت >>> مدري ش انتم تسمونه الا هي
انا ودي اتحداكم !!
ابي ديره في العالم عندهم نت ابطئ من عندنا 
اتوقع ملاوي وبنقلادش وسويسرا >وجميع بلادااان العالم اسرع من السعوديه 
انا رحت للضيعه>>(اتوقع تتكتب كذا ) في العطله
طبعا الضيعه >> في السعوديه اجل في لبناان وبمااا اني ماطلعت من السعوديه قلت اهم شي النت يطلع سريع
^
جمله للترقيع المهم شبكت سلك التلفون في المودم 
طوووط طيط طو طو اون ايههه او تري تن تن طططططططططططططط >> علق ماشبك النت 
واغير الرقم
طوووط طااط طيط تي اهععععععععععععع
>>علق بعد 
قلت ماالي الا خدمة العملاء >امحق خدمه 
وادق عليهم ولا يردون 
اصبر دقيقه دقيقتين خمس دقايق سبع 
لا حياات لمن تندااي
المهم رد علي بعد حوالي نص ساااعه الى سااعه وصرفني تصريفه 
وصكيت السماااعه 
وبعد عدة محاااولات 99% منها بااائت بالفشل
شبك النت ياهوووووه 
انت متصل وسرعه اتصالك هي 9 كيلو انا يوم شبك قلت لو انها واااحد كيلو بااايت مدري بت مااافيه امل افصله 
فتحت انترنت اكسبلور وافتح موقع الزعيم
احتريه يفتح دقيقه دقيقتين خمس عشر دقايق
وبعد ربع ساااعه فتح 
واخيرااا بعد ربع ساااعه فتح الصفحه الاولى
عاااد تدرون وش الصفحه الاولى الفلاش اللي فوق مااطلع ولا صوره طلعت 
ويالله فتح مع اخطاء في الصفحه !! _
اجل هذي الشركه اللي يقولون نعمل اليوم لغد واااعد >>من جنبها نعنبو بليسكم وشوله تااخذون 30 ريال في الشهر رسوم
وخدمتكم زي وجيهكم 
والله قهر
8
8
هذا بس الهاتف الثابت ومعاانتي معه 
___
الاسبوع الرابع من العطله
الاسبوع الرابع يعني انتهى شهر من العطله ايطاليا & فرنسا
في الاسبوع الرابع لعبوا فرنسا وايطاليا عـ كااس العالم
وفي وقتها كااانوااا اليهود يضربون في اخواانكم في غزه
والعالم ساااكتين واللي ولد ابوه يحتسي واولهم حقوق الانسان >>امحق حقوق
اجل عندنا سباااق الهجن في السعوديه ودول الخليج
يوم كاانوا البزران يتسابقون طلعوا حقين الحقوق
حقوق الاطفال وحقوق الحيوان وحقوق الانسان
لازم تحطون رجل الي 
يقالك يخافون ع البزراان
وبزاارين غزه ولبناان والله ماحد دراى عنهم
>>> تدرون وش ودي !! يسون في فلسطين سباااق الهجن
ولا يستخدمون رجل الي من العناد
يحطون بزرااان اعمارهم ع خمس ست سنين
ويجون الملاعين ( اليهود ) ويضربونهم >>مجرم 
وش تتوقعون حقوق الانسااان تقول !!!
ليش ياسرائيل تضربين الاطفاال :sad:
ولا تقول ليش يافلسطين ماتحترمين حقوق الانسان والاطفاال؟!!:sad:
:sad:
= = = = = = = = = = =
سيااااحه داخليه
طبعااا كلكم تسمعون سياااحه داااخليه !!
- وش الفرق بينا وبينهم ؟
- احفض قروشك !
- كل شي عندنا الحمد لله !
8
8
تسمعون الكلامات في الرادو واااجد انا جربت هـ السنه اني اقضي اجازتي في ربوع بلادي اجوب اراضيها الخضراء واعبر انهارها الجاريه واصطاد من غزلانها وارانبها البريه ولكني اخشى من برااد نجد وامطارها وجفاااف الشرقيه وجده البهيه 8
8
جمله غير مفيده حطيتها عشااان السجع طبعا انا هـ السنه طلعت ورحت الطااايف
>> قبل اسبوعين الى 3 اسابيع من الان
صرااحه الطاايف مااعليه كلااام
جو ولا سويسرا >> مسوي عايش بجنيف
= = = = = = = = = = ====
امــــطـــاار
طبعاا انا من سكاان الرياااض المطر بالصيف زي النت بالربع الخالي >مستحيل الا ماشاء الله يوميا وانا في الطااايف امطااار الا كم يوم
امطاار وبراااد وبرد ( زخاات من البرد )
درجة الحرااره توصل في وقت المطر 13 هذا في الشفاء
وفي نفس الوقت اكلم واحد من اهل الرياااض يقول
انا اتسدح تحت المكيف مدري وش جاااه صار مايبرد طبعااا وش اللي ينقص الطااايف
- اول شي المراافق
- ثانيا لوحاات الشورااع
اول شي نتكلم عن المراافق العامه
طبعااا كل مكاان حااطين مرااجيح
لو تطل ورا جبل لقيت مرجيحه
بس مرااجيح زي وجيهم
متكسره ورايحه في امها
ومثل كذا دوراات المياااه وانتم بالكرامه
وبعض المسااجد
>>>شكلهم بنوها وضيعوا وين حطوها فيه - ثانياا اللوحاات
عليهم لوحاات
نص لوحاتهم شايفها في بنقلادش حاطين اللوحه وقداامها شجره
>> بالله وشلون اقراها
ولا لازم انزل واوخر الشجره واقراها ثم اركب السياره 
بس اشوف ذا السنه فيه لوحاات جديده
الطااايف حلو ويكفي الوااحد الجو اللي فيه
= = = = = = = = = =
مكة المكرمة
مكه اغلى مدن العالم
ام القرى
كل شي فيها حلو
الا شوارعها تخطيطها قديم
ومواقف السيااارت !
مستحيل تلقى موقف لسيارتك حول الحرم
زحمااات مكه خااصه حول الحرم هي احدى السلبياات
= = = = = = = = = = = =
الشـــرقــيـهـ
الشرقيه منطقه ولا احلى
بس فيها مشكله تؤرق من ياتي اليها
الا وهي الرطوبه >>>ماحد لاحظ شيء في الشرقيه جو يخلي الواااحد ماينزل من سيارته تصدقون مكيف السياره يطلع مكيف صحراااوي اذا فتحت الهوايه وخليت شوي هوا يجي من برا -
-
-
ومشكلة الشرقيه بعد كثرة الاشارات 
مايمديك توقف عند اشاره الا والثانيه وراها
بس عندهم حركه حلوه الي هي الثواني ع الاشارات 
= = = = = = = = =
جسر الملكـ فهد
تصدقون في الخبر فيه سباااق مع الزمن
السباااق عباره عن اسرع واااحد يدفن البحر
اتوقع في غضون كم سنه نوصل البحرين
من كثر المخططات اللي في البحر ادفن وبع اراضي
الين يوصلون البحرين 
= = = = = = = = = =
عااالمـ البحااار
انا صراحه كنت انسااان مثقف 
اشوف برااامج ثقااافيه و وثائقيه
فيه برناامج اسمه عااالم البحار 
اذا جاء هذا البرنااامج صكيت التلفزيون 
لاني اقول لا يلعبون علينا مافيه الا عالم وااحد الي هو العالم الي انتم موجودين فيه
عاااد توني اصدق ان فيه عااالم غيرناا 
ناااس يعيشون في البحر
اسمعوا هذي السالفه
انا يوم من الايااام اسبح في البحر ع الشاااطئ الجميل
وانا امشي واحرك يديني وانا امشي
الا اسمع واااحد يقول هييييه انت 
ياابو الشباااب
اقول يااابو الشبااب
واناا اللي يقعد يدور حوله 
يمين
يسااار
اناااظر فوق
واناااظر تحت الا القى واااحد صغير يقولي انت يابو الشباااب تحسب مافيه الا انت عاايش في البحر وانا على طول اذكر ذاااك البرنااامج (عالم البحر) >>توني اصدق ان فيه عالم في البحر
تصدقون عندهم سيااارات واسوااق وبقااالات صرااحه اانا ماشفت سياااره بس واانا في البحر شفت كفر سياره ولا شفت بقالات بس شفت قرااطيس بطااطسااات وعلب ببسي ومرندا ولا رحت للاسوااق بس شفت اكياااس اسوق في البحر >>> بالله هذا شاطئ
امحق بحر = = = = = = = = = = = = = = = = =
البحر الاحمر
انا إلى وقت قريب لم اكن اعرف لم َ سُميَ البحرُ الاحمرَ بهذا الاسم!
>>ماحد لاحظ اشي طبعا شواطى السعوديه نفس الشيء
االوااحد يسبح في البحر يوسع صدره ويرفه عن نفسه قبل المدرسه يحس انه مادخل البحر !!
يحس انه داااخل معركه !! اجل تسبح في البحر سليم مافيك ولا مشخ
تطلع كنك طااالع من حقل الغام!!
قزاازه شااقه رجلك ! بلكه صاادم فيهاا! >>> ودي اعرف وش جااب البلكه في البحر = = = = = = = = = = =
اخبااااار ع السريع
وانا قاااعد اكتب الموضوع اللي انتم تقرونه كان التلفزيون مشغل على احدى القنوااات العربيه وقااعد انااظر برنااامج وثاائقي >>>قايلكم احب البراامج الوثائقيه
المهم البرناامج عن كاارثة تشرنوبل
اللي قهرني الدلاخه الموجوده في القنااة سالفة الذكر قصدي آنفة الذكر والله ياهم دللووخ 
اجل جايبن برنامج ومسوين له ترجمه
وادور الترجمه
والقاها تحت خط الاخباار!! بالله وشلون النااس تقرا الترجمه
صراحه انا بما اني ثقافتي روسيه
فهمت البرناامج
واللي يضحك زود
وشلون انفجر المفاعل في روسيا
وان الروس مايعرفون يسون مفاعلات >>>هذا اللي فهمته من كلام الروسي ونفس الخط اللي يمشي ابتااع الاخباار ((روسيا ودها تبني كم مفاااعل نووي لكي يطلعون الكهرب في الثلاثين سنه الجايه في كم دوله)) احس ودهم ينكبون العالم = = = = = = = = = =
حبيبتي ايتها المدرسه كم اشتقت اليك
الموضوع ماينطبق 100 % علينا
لانكم والله ماافيه امل تشتاقون للمدرسه
وانا مثلكم بس ياشيخ قهر
عطلة العيد كلها 10 ايام ماتلاحظون انها شويه
>>> مابعد بدت الدراسه وتفكرون بالعطله الجايه
لو انهم خذوا من العطله الصيف اسبوعين وحطوها في عطلة العيد ان تسااان احسن = = = = = = = = = = = =
انا هذا الموضوع في بالي من زمااان
بس توه يطلع في اخر العطله
وكتبته يوم الجمعه قبل ماترحون للمدرسه بـ24 ساعه تماااما
وبمااا
ان
المدرسه
توها
جاايه
مااحد
يحس بضيقة صدر
اذا ذكرها = = = = = = = = = = =
هذا الموضوع لايعبر عن وجهة نظر اللي يقرها
والاختلاف في وجهات النظر عااادي = = = = = = = = =
الموضوع ماكتبته الا عشان تغيرون جو المدرسه
بس اهم شي لاتنسون تقرونه سلام
معليش نسيت اقول شي وش رايكم بالابتسااامات
كثيره صح -------- ترا الموضوع فيه اخطااء املائيه متعمده عشاان تتذكرون العطله ولا احد ياحسبكم يقول صحح الخطأ 3 مرات ع يمين الصفحه >>> مايعرف يصرف 