تصـــيح تقول (ياحرمه) تحسب أنــــك (تعايرني)
شنـــــبك اللي تــفاخر به ترى اللي جابته حـرمه
تـــصدق كذبتـــك دايم,,مبــــادئ حيل تقــــهرنـي
(نقص عــــقلك مع ديـــنك),,ترى مليت هالكلمه
يـــاجاهل فتـــح عيـــونك..يــاويلك لو تصـاغرني
غضب,,تهديد,,وأستلــمه,,وسمه اللي تبي سمه
أنــا مليت من ظلــــــمك(يا آدم)وش تصـــــورني
إذا انــي ناقصـــه بعينك,,وداعي منتهي الحكمه,,
تـــراني ساكــــته بكيفي,,نصــيحه لا تفــــجرني
غضـــب شيطان ماميز,,مابيــن الخال والعـــمـه
عيـــوبي طيبتي وقلــبي,,حنان وشــوق يجبرني
على عكـــس تجي قاسي,,وكلٍ راضــي بسلمــه
حســـافه وقـــتي الفايت تذكر يوم تســـهرنـــــي
على قـولت أنا عاشق وحبـــك صــابني سهمـــه
تذكر يــوم لي تــركض..تـــقول يازين آمــــــري
علــى سنة رســول الله أشـــــيل الحمل وأزمـــه
فـــرحت وقلت هــذا اللي أبي في ظلــه يسترنـي
إذا ضــاقت بي الدنــيا مســــح دمعــاتي بكـــمـه
ولكن للأســـف غلطه,,وهم كــــذاب ســاورنـي
جــزاتي والثمن عـمري,,وقتلت بخـافقي حلمـه