السلام عليكم ورحمة الله وبركاته

أصدقائي ... صديقاتي ... الهلاليين والهلاليات في هذا الصرح الرائع والكيان الكبير ....


أخباركم وش مسويين ... بشرونا عنكم

إن شاء الله كلكم بخير ...

أخبار الإي آر تي ... يقولون النقل والإخراج يوهّقك تقول أنا أتابع الشامبيون ليق والا الخليجية

واحتكار واحتكار ... ليتنا على أول بس

الدوري القطري على إنك ماتسمع الا اصوات العصافير في المدرجات الا ان النقل والاثارة أقوى من قناة أبو كامل

أنا من شفت شخصية مدني رحيمي وطريقة الحوارات داخل الملعب وأنا غاسل إيدي من هالقناة

الله كريم ..



نتكلم في الموضوع ...


يمكن كثير من الجماهير الهلالية لاحظت شي غريب جدا ... وهو هيمنة الزعيم محليا وضعفه خارجيا خلال الـ 4 سنوات اللي راحت ..


شي عجيب غريب .... هلالنا يسقط أمام فرق بسيطة في إمكانياتها .... !!!

هلالنا يقدّم محليّا ويبدع ويحقق البطولات واحدة تلو الأخرى ... ويرسب في أبسط المنازلات الخارجية ..

مع العلم إن الدوري السعودي يضم ثلاثة من أقوى الفرق آسيويا ....


يملك الإتحاد بإمكانياته المالية والفنية الكبير ... يملك الشباب بروح شبابه ومهارات لاعبيه ... يملك الأهلي بخبرة نجومه وجماعيته

فوق هذا يملك إتحاد كرة قدم يحاربه ويحاول إسقاطه بشتى الطرق ...

مع ذلك استطاع فرض هيمنته محليّا .. غصب عن الجميع

ومع ذلك يسقط سقوط مخزي جدا خارجيا .... !!



^*^*^*^*^*^*^*^



واقع هلالي محزن جدا .... السبب واضح ... وأتمنى أن تكون شفافيتي وصراحتي ماتزعل أحد ...


أهم سبب وهو من الأسباب التي لايمكن أن ينكرها متعصب يكره الهلال وكل حرف منه ... هل حرمان الهلال من لاعبيه ...

كم بطولة نلعبها نفتقد فيه كتيبة كاملة من النجوم .... ؟

خلال أربع سنوات تلاعب الإتحاد السعودي بنادي الهلال وأقلق انسجام الفريق ولاعبيه ..

وكأن الهلال نادي دخيل على الرياضة السعودية ... نادي يجب مكافحته والوقوف ضده ... !!!

ليه ياوطــن .. ؟؟ ... نادي الهلال ابنك البار .... نادي الهلال هو من حقق الإنجازات الخارجية ....

نادي الهلال هو من رفع اسم المملكة العربية السعودية طوال فترة التسعينات .... ( قبل المطرسة اللي تصير الحين )

هو من جعل العالم يصفق للاعب السعودي ....

الهلال أنجب سامي ووضعه مع أساطير كرة القدم ....

الهلال أنجب الثنيان اللي جلب للمنتخب السعودي كأس آسيا 96 بعد توفيق الله ...


الهلال وضع لاعبيه وإدارته ومدربه وطاقمه الطبي تحت أمــر الوطن ....



مع ذلك يتم حرمان الهلال من حقه الشرعي في لاعبيه في مشاركة تحمل لواء الوطن ... !!!


هل حق الوطنية تمنح لنادي الإتحاد أو الشباب أو الأهلي او النصر .. والهلال يطلع منها ......!!!!!!!


الهلال مسوي شي غلط لا قدر الله !!! ؟؟




^*^*^*^*^*^*^




والله ياجماعة ماقول إني حزين على البطولة الخليجية .... فداااااك يالزعيـــم .. مانبيها دامنا نبي نراجع حساباتنا ...

ونعرف حقوقنا ونطالب فيها .... إلى متى نسكت ....!؟

ملـّيـنـا ياجماعة ... كتاباتنا في الشبكة ... مطالباتنا في الصحف ... وش فيه أكثر من كذا ..؟؟




^*^*^*^*^*^*^*^



مابرر هزيمة الهلال وخروجه بين أرضه وجمهوره ... وهو اللي كان مايتأثر بغياب لاعبيه ....

لكن الوقت تغيّر ... والروح اللي كانت باللاعبين أول راحت .... وهيبة ارتداء القميص الأزرق بهتت وزالت ....

صحيح لاعبيننا مجتهدين ... بس أول غير والحين غير

صرنا نشوف 500 لاعب يرتدون هالشعار خلال موسم واحد ...

ماستغرب لاشفت واحد من أخوياي لاعب مع الهلال مباراة أو مباراتين



لكن شي نشوفه قدام عيوننا .. فريقنا ناقص ... فريقنا ناقص فريق ... فريقنا يملك لاعبين حلوين بس يلزمهم وجود الدوليين ...



^*^*^*^*^*^*^*^



بكل أسف الإتحاد السعودي هو من أخرج الهلال من جميع بطولاته الخارجية ....

لأنه سبب أساسي ورئيسي في مشكلة الزعيم ....

التمياط وعزيز ... يانا ضحكت ... عزيز مصاب والتمياط مخزونه اللياقي زيرو ... ... لعبوا علينا وعيوننا طايرة

المنتخب ماكان محتاجهم أصلا




^*^*^*^*^*^*^*^




مانلوم المدرب ... ولا نلوم أحد في هالخروج ... لعلّة خيرة ودرس للإدارة في البطولات القادمة ....


أتمنى من كل قلبي من الإدارة تتخذ قرار بعدم مشاركة الفريق في أي بطولة خارجية بدون الدوليين ...

لعبنا قدام فالينسيا بكامل نجومنا وبجمهورنا العريض ... وأحرجنا الأسبان ....

يقولون مباراة تكريمية ... مباراة مدري وش ... ماظن فريق مثل فالينسيا بيرضى بالهزيمة أيّا كانت ..



الله كريم ياهلال .... وحسبي الله على الظالم ...


ياجماهير الزعيم خلوا عنكم الحزن على البطولة اللي راحت ...

اتركوا اللاعبين والمدرب .... والله مالهم ذنب .... اجتهدوا وحالوا إسعادكم ... ماتخاذلوا ....

الفريق فاقد انسجامه ... فاقد لاعبيه .. يواجه ضغط نفسي وقل خبرة ....

معوضين في البطولات القادمة إن شاء الله ...


نأسف على الإطالة ....


وترى العنوان في خطأ إملائي ... ترى دارس بمدرسة حكومية قسم بالله ... أبدن مادرست عند سبّاك والا راعي بنشر ...

كنت كاتب انكتاسات ... مادري تعدلت والا لأ

بس بعلمكم لاتقولون أبو ساري سبب النكسة الإملائية في المملكة



تحياتي لكم .... ابوساري