الحقيقة انا ما أحب أكتب ولا أعرف ولكن أدخل علشان ابوسارة في هالشبكة الغالية وأحب كتاباته من جد لأنك تحس انه هلالي من قلب لكن هالموضوع غريب عليك يا ابوسارة ، أجل البطولة الخليجية صار عادي نخسرها وش هالفكر الهلالي الجديد لا وأكثر الشباب جايين مدرعمين وراك !
بطولة جديدة بنظام جديد وتونا في التصفيات ونتعادل مع مسقط العماني اللي عمره ما ركب طيارة علشان يشارك برا ديرته وتقول عادي ان راحت والا وجت أمرأة
الصراحة أستغرب هالفكر وتناقضك العجيب أجل يوم انها بطولة عادي نخسرها وشوله زعلان على بعض لاعبي الفريق وتقول لازم يرحلون طيب خلهم بطولة عادي نخسرها .الصراحة ما توقعت تكتب مثل هالكلام أبد
بطولة الخليج مهمة لأسباب كثيرة اهمها من زمان ما لعبنا بطولة خليجية والطريقة الجديدة روعة والفريق مستعد تمام في معسكر تونس وكل الأوضاع تمام والتصفيات في الرياض يعني نخسر في النهائي يعني هذا باب وله جواب اما نطلع من هالتصفيات وهي عندنا في الرياض لا صراحة ما عليش ..
من المفروض نشوف وش الأسباب ونعالج الوضع بوجود حبيب الكل محمد بن فيصل
وبعدين اي رديف ذا اللي تتكلم عنه احمد خليل والا حسن العتيبي والا الخراشي والا الجمعان والا المرشدي والا الصويلح والا البرقان يا رجال والله حرام عليك
