بسم الله أصلي على نبينا محمد عليه أفضل الصلاة وأتم التسليم.
من زمان وانا ايقرقع في قلبي هالموضوع السياحه في ربوع الوطن وماأدراك مالسياحه في ربوع الوطن
المشكله أن ربعنا حتى هذه اللحظه مايدرون أيش معنى كلمة سياحه!!
السياحه تعني الترفيه والمتعه مهب الضحك على الناس بأشباه المهرجانات التي تقام في مناطق المملكه
لكن كله كوم وأسعار الشقق كوم ثاني يعني على سبيل المثال شقه ليوم واحد بس في الي تسمى أبها
وأفضل ماتوصف به ولكم الكرامه أنها دورة مياه وليست شقه ب٨٠٠ رياااااال يعي علشان تجلس أسبوع
يبيلك ٥٦٠٠على ااااااااااايش والله لو أن الشقه في الشرتون في لبنان ولا في الزبداني كان ما قلنا شيئ
ولو أفترضنا أن المنطقه تستاهل حطوا فنادق وشقق زي العالم والناس مو كل جيزاني يقلب بيته شقق مفروشه ونهب من خلق الله مع العلم أنه ٢٠٠٠ ريال أتعيش فيه ملك لا وبعد لمدة أسبوعين في أحد الدول القريبه منا.
ولا تعال وشوف المهرجانات الي عندنا أنا ماادري عن الي في المناطق الثانيه ابتكلم عن المهرجانات الي عندنا في القصيم وبالتحديد عنيزه
وبالمناسبه نبارك لهم الفشل الذريع تدرون ليش لأن ما فيه تطوير قبل أربع سنوات لما نجح المهرجان كانت الفكره جديده هم ماصدقوا خبر
صارو كل سنه مهرجان العام نفس مهرجان السنه (فيري + ماء + أناشيد )ولا هالسنه يكون جايبين شيء جديد واحد قاعد يأكل ديبان
وطبعا الشباب كاالعاده مالهم كرت في الموضوع كل الشغل (عوائل * عوائل)واتوقع بيب يجي يوم يبي يحطون تفتيش اذا صار الي في
السياره شباب على طول السجن علشان ما معه عوايل وبعدين الي يبي مغازل وخلافه سواء بنت أو ولد يدري وين يروح والبنت الي ماله في
هالأشياءوالله لو وش صار مهب مغزله مهما كانت المغريات... ولا انا غلطان أنا ما أقول خلو الشباب مع العوايل وخلوا الحابل يختلط
بالنابل بس نبي أماكن خاصه بالشباب ومو أي أماكن نبي أماكن ترفيه صح يعني كمثال ليش ما يصير عندنا سنما وش الشيء الي يمنع
مادم أن الي يعرض فيهامايتخالف مع عادتنا وتقاليدنا وشريعتنا قبل أي شيء ولا هو منع لمجرد المنع ومن المعروف أن الشاب السعودي
يحب السباقات والتحدي في السيارت وأكبر مثال التحدي الي صار قبل كم سنه تقريبا في القصيم وشاهد أكبر حضور رياضي في المملكه
بأكثر من 120 الف وغيرها وغيرها بس وين الناس الي تفكر هذا الي حبيت اقوله أتمنى أني ما أخطيت على أحد بس هذا مجرد رأي خاص بي
اتــــــــــمنى أشوف ارائكم عن الموضوع....