نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - •₪• الستـامفـورد بريـدج .. مـن الداخـل •₪•

10Ronaldinho10 · #1 17/08/2006, 05:31 AM

صباح / مساء
الورد والخيرات على الجميـع ..

زرنا بريطانيا .. وتحديدا لندن .. وقلنا ياولد دامك وصلت لها .. ليه ما تمر على احد ملاعبها
المشهورة .. رحت لـ ملعب الارسنـال الجديد .. " ملعب الامارات " .. ولـ الاسف ماطلع عنـدهم نظام التور ..
" الجولة " دااخل الملعب ..

فـ رحت لـ الملعب الثاني .. ملعب " خيال " صراحة .. كل شي متوفـّر فيه .. ابراهيموفتش مدلـّـعهم آخر دلـع ..
ماراح احـرق عليكـمـ .. هذي رحلتـي في الملعـب بـ التفصيــل ..

*-*-*-*-*-*-*-*-*-*-*-*-*-*-*-*-*-*-*-*-*

في البداية .. الـ " ميغا ستور " ..
المحل الرسمي لـ الفريق يبيع كللل شي يخص الفريق من تي شيرتات وجزم " يكرم الجميع " ..
وفوط ودي في ديات لـ مشوار الفريق وكلل شي يجي ع البال بـ خصوص تشيلسي ..

هذي صورته من برا ..

وهنا صورة الممر اللي يدخلك على مبنى الملعب من جوا

بعد مادخلنا على مبنى الملعب .. جلسونا في غرفة ..
فيها مجسم لـ الملعب .. وفيها شعارات النادي من تأسيسه الى الشعار الاخير .. وشاشات لـ الملعب .. بأمكانك تشوف المباراة منها .. الظاهر انها غرفة لـ الحجوزات .. لـ الـ vip او الصحافه .. مو متأكد بالضبط لانهم ما تكلموا عنها ..

وهذي صور لها وللزاوية اللي تطل ع الملعب

وهنا الشعارات

بعدها .. أخذنـا المضيف لـ غرفة " المؤتمرات الصحفية " ..
الغرفة اللي يقومون فيها بالتصاريح والمؤتمرات لـ النادي .. وهو نفسه المكان اللي يكون فيه
التوقيع مع اللاعبين الجدد المنتدبين لـ النادي ..

المكان اللي قاعد فيه .. هو المكان اللي يجلس فيه خوزيه مورينهو ..

- - -

الحين بـ ندخل على غرفة الملابس حقت الضيوف .. Away team
والمضيف اللي يمشينـا تشلساوي متعصب .. قعد ينتـّف في حقين مانشستر وارسنال تنتيف مو طبيعي
يسأل يقول تعرفون من اخر فريق زار هالمكان ؟

جاوبوه وقالو مانشستر .. قال عرفتوا الحين ليه ريحتها كريهه كذا ؟
( وجـه يناظر هلالي موت )

المكان اللي يكون فيه التكتيك والخطة لـ مدرب الفريق الضيف ..

مكان المساج والتدليك ..
على فكرة .. بـ النسبة لـ هالمكان .. سأل المضيف من يعرف اخر شخص جلس على هـ الكرسي ..
قالوله واين روني .. قال عشان كذا اضطرينا نضم الكرسيين لـ بعض

ابو حميد موب انا اللي قايل هالكلام ..

- - -

الحين غرفة ملابس صاحب الارض " تشيلسي " ..
والله يا ان ابراهيموفتش مدلـّـع لعيبته اخر دلع .. اجل درج كل لاعب فيه تكييف بسيط عشان لبسه
مايحتر .. ولا فيه دروج مخصصه للمجوهرات ودرج للجوال ودرج للمفتاح مع التهوية

تي شيرت شيفا موجود مع القائمة ..

وبالاك بعد ..

وبنفس غرفة الملابس .. فيه تلفزيون مسطح ودي في دي .. ودش يعرض لـ اللعيبة
قناة الام تي في قبل المباريات عشان يوسعون صدورهم ..

" تراني صادق " هذا الكلام اللي ترجمته من الرجال

صورة الخزنـة اللي اتكلم عنها ..

المساج والتدليك ..

وهذا المطبخ .. اللي حضرموت بكبرها ماتجي قيمة البزبوز بس

غرفة التكتيك ..

.. على فكرة ..

يقول لك المضيف خويّنـا ..
ان فيه لاعبين اثنين من الفريق يقعد 10 دقايق الى ربع ساعة كااملة قبل كل مباراة على بال
مايضبط شعيراته بـ الجل والحركات .. وهم تيري ولامبارد ..

وياهو قعـد لـ بيكهام بعد بـ خصوص حركات المظهر قبل المباراة

ويقول ان جون تيري يسوق " بنتلي " [ رولز رايز ] يعني .. ولامبارد استون مارتن ..
وغالاس ومكاليلي مخربينها .. يسوقون مرسيدس ماكلارين .. " الفسقة على الخوال تشطح وااجد "

ويقول اردى لاعب يسوق موتر مااش .. هو كالو .. يسوق ميني كوبر ..
وبعد قال معلومة .. ان ارين روبن ما معه موتر
ويجي النادي ويتنقل بـ " سيكل "
هذا ماتعوّد ع العز .. ولا انه من ربع اللي مايحبون الاسراف ..

- - - -

الحين بـ النسبة لي احلى " بارت " بـ الجولة كلها ..

][ الملعــب ][

الممر اللي يطلعك لـ ارضية الملعب ..
مشغلين لك اصوات .. طبق الاصل من الاصوات اللي يسمعونها اللاعبين وهم داخلين الارضية ..
عاالية جدا ..

صور لـ الملعب ..

سألته .. وقال لي هذا هو الباب اللي سجل فيه ايتو الرأسيه الشهيرة ;)

شاشتين في الملعب ..
كل شاشة فيهم مكلفة " مليون " دولار ..

اللي بالسهم هو مكان مورينهو ..

- - - -

][ المــتــحــف ][

فيـّاالي

وهذي بعض الكؤوس والدروع المعروضه ..

شالات وشعارات

فنيلـة خولييت

الخمااسية الشهيرة

جيانفرانكو زولا

وفي الاخير .. تمثالين من الشمع لـ لامبارد وجون تيري

- - - - - - - -

ختاما ارجو اني وفقـت في تقديم الملعب لـ عشاق البلوز اولا وعشاق المستديرة ثانيا ..
وهـ الموضوع اهـداء لـ الغالي " ابو حميد " و الغالي " بدر " بمناسبـة الاشـراف ع العالمية ..

تقبلوا تحياتي ..