حياكم الله إخواني يا معشر الزعماء ،هذي قصيده سمعت شوي منها بس أنني عدلت فيها واجد...آمل انها تعجبكم...بسم الله نبدأ
(((فخر الهلال)))
على وصف الرجال إللي تسمى بالفعال رجال
لفت بي ذي العلوم وبيض الله وجه راعيها
لفت بي ما كنها سبق الخيل بدت تختال
نواصيها النعوت وفي مناكبها دوافيها
قصايد والقصايد ما نساومها بجاه ومال
نعب بحورها ونهاج مزملها نرسيها
إذا امتد الفكر وامتد ليلي والقصيد وطال
توشحت الشوارد ولبست الأشعار غاليها
كذب كذب من قال ساعفني عليها الجن يوم تقال
أنا ألبس جنها وأصدر مواردها وأرويها
أنا ولا فخر نجل الشامخ المتمرس الريبال
على وصفه تجاريني القصايد قبل لا أجاريها
على عبد الله بن عبد العزيز بن سعود طاب الفال وطابت لي قبل لا ألزم قوافيها
معانيها متى ما قالوا صواريها المعاني ما هناك اشكال
حرام أني لأمد شراعها لأكبر صواريها
على أكبر منبر أرميها ثنى وعز وفخر واجلال
مدام ان الثنى لأهله على أكبر منبر أرميها
لأجل فارس غرس حلمه لشعبه وأثمرت الآمال
حقايق نبصر أولها ونتباشر بتاليها
حقايق واضحه من دون أبو متعب صعب تنطال
تباركها القلوب وتبهر الناظر مغانيها
مغانيها تراود كل عطر ما خطر عالبال
وأراضيها يراود كل عاشق فوع ناديها
أراضيها الخزامى والنفل والبختري والهال
وما يخطر على بال العطر يزخر باراضيها
ولي فيها محب أسرف على قلبي وحط وشال
طلب روحي وروحي منه فيها إللي يكفيها
من أول ما عرفته والضلوع تجر له موال
ولا أدري نيته بضلوع قلبي وش تواليها
أنا محتار ما بينه وبين كؤوس الزعيم بالمثقال
يا اما الكؤوس له تحلى أو أنه لي يحليها
أو أن الزعيم يحلى لأبو سلطان لها خيال
نعم والله وتسبق كؤوسها من سبق واليها
زعيم العز من طيب النسايم عوده ميال
يمسي صاحب القدر ونحن باسمه نمسيها
صدى ناديه بشرق وغرب وجنوب التقى وشمال
قبض الاربع جهات لين ذاع طاريها
طغى عزمه على وعر الدروب وله غدت مسيال
تشيل الأرض لأقدامه وتفخر من مواطيها
غريبه غريبه كيف جادت به سنينه والسنين بخال
والأغرب كيف تظما له وهو بالجود يسقيها
لو أن المجد سهل كان كلن طال منه ونال
دروب المجد ودروب العلا صعبه مراقيها
طويل العمر ما جيت اعتزي في وصفك الأمثال
ولكن المثايل تعتزيني بك وألبيها
يا أبوي يا ابوي أبشر ترى شبلك توارت عن مداه أشبال
وثب فوق الدروب وسابقت رجله خطاويها
ورث عزمك وحزمك والخصال تجر طيبك طال
مواثيقه على طرق المكارم بك يجريها
إذا شد الفخر لأجلك رحاله قمت أشد رحال
على نهجك عشان أفرد رحاله وأرجع اطويها
وإذا قالوا من أدربي بالحصابي والزعيم عال
عرفت أن الزعيم عال وأنت أدرى بحصابيها
على الدنيا جدال وانت والله ما عليك جدال
مع ان الكل جاد بك نادي الزعيم ناديها
لو أن السحب تنشا على كفوف أمست عليك ظلال
وخرت ساجده لأهل الثرى من جود منشيها
مكارمك المكارم والعطايا من بحرك جزال
لو أن السفن تجري في يمينك ضاع شاطيها
كم لاحت وأبرقت وأبطت وهي تنهال
ولا والله تدري عن يسارك كم معاطيها
وكم من حلم سبقته كان في عين الزمان محال
تقول المقبلات أفضت عليك اسرار باريها
يقولون أرتقيت بهلال وأقول أنت فخر الهلال
لو الهلال بك ما يفتخر من يفتخر فيها
زعيمنا يفتخر بك وانا نفتخر بك
والمملكه تفتخر من طيب راعيها
كلماتي ما هي قيل وقال
كلماتي هي المحبه بأسمى معانيها
::::::::::::::::::::::::::
وسلامتكم....ولا تحرمونا من ردودكم