الزعيم يتابع الدوري السعودي من المنصه الذهبيه
في رأيي هذا أحسن عنوان للصحف بكره

وغلطان يا معاند بحر

مسكين مسكين مسكين

خسران يامعاند الزعيم

هلا والله بزعيم آسيا , هلا والله بهالطله

ياه والله ماني عارف ايش اقول , عندي كلام كثير بس مدري من وين ابدا

مدري ابدأ بالزعيم وعاداته

والا بالقهر اللي متأكد منه في قلب رئيس النصر

والا بالبلوي اللي يتحدى على الصداره


لكن خسئوا كلهم وما ابدا الا بالزعيم قاهرهم
حبيبي يالزعيم ما خاب الظن فيك والله وانا كنت متأكد ان الصداره مالها الا هلالها, مهما حاولوا ومهما خططوا , مادروا انه الزعيم

حنا أعرف الناس بالزعيم والجمهور اللي حضر اكبر دليل على الثقه الكبيره في نجوم الزعيم الذين عودوهم على تحقيق الصعب وأمام الجميع
ياعزيزي ان لم تشجع الزعيم فأشرب من ماء البحر وكفى


ودي أخسر أي شئ وأشوف عبدالرحمن بن سعود بعد المباراة , ولو اني متأكد ان بيكون في المستشفى نظراً لإرتفاع ضغطه
بصراحه يستاهل من قال له يتابع المباراة ويعاند زعيم آسيا ؟

والله اني أمس بعد ما قريت جريدة عالم الرياضه وفيها تصريحه عن مباراة الاهلي والاتحاد وعلى طول قال << الطائي فريق كبير وفريق مدري ايش ..... كلام كثير من كلامه >> اقسم بالله اني أضحك لوحدي لو شافني واحد يقول هذا مجنون , وانا أضحك على قلة عقله وش دخله في مباراة الهلال والطائي ولا هو اتحادي ولا هو منافس على الصداره .

بالله وش رايكم في تصريح البلوي اللي يؤكد فيه الصداره الاتحاديه ويقول << اذا قلت لكم الصداره للاتحاد فصدقوني >>


[gl]هــــلالــــيــــات[/gl]

* بعد مباراة الأهلي والاتحاد عرفت أكثر من أي وقت مضى مدى عظمة هذا الزعيم

* حلوه جداً ان تستمتع بمباريات المربع وانت في المنصه

* الف الف مبروك ازفها لعاشق الزعيم الامبراطور صالح النعيمه

* شكراً من الأعماق لنجوم الزعيم فرداً فداً .

* شكراً من الأعماق لكل من حضر الى الملعب وساند الزعيم


[gl]فــــاصـــــله[/gl]

يازعيمهم كلهم ياسراجي بينهم عطني من لعبك بطولات واترك الباقي لهم