انا يقهرني هالنادي كل يوم يقولون اننا نبي نوقع مع لاعب واللي يقرأ الاخبار يقول خلاص بس باقي تقديم اللاعب

انا ما راح التفت للاخبار لأني متأكد ان مافيه احد يجينا الا الاسماء هذي :

كاريك , كوتشاك , سيينا واتوقع الفاشل مارتنيز يجي

تذكرون بالمونديال كل يوم الموقع منزل تقرير من واحد من الكشافين اللي مافيهم بركه اللي يقرأ التقرير يقول خلاص اللاعب صار مانشسترواي .


حتى من زود الثقة يكتبون سعره

انا ابعد الاسماء لكم وانتم احكموا

كاريك , كزافي <-- برشلونة , اللاعب رقم 8 مع المانيا نسيت اسمه , قلب دفاع منتخب الاكوادور الظاهر اسمه استكوزا <-- اسمه قريب من كذا .

الصراحة انا استغربت ليه الكشافين ماقدموا تقارير عن نجوم دفاع السعودية رضا تكروني , حمد المنبطحي

بس هذولا اللي ماطلعوهم بالتقارير


قبل فتره يقولون فييرا راح يكون خليفة كينو وابراهيموفش بيكون خليفة الرود لكن كل الموضوع خرطي × خرطي وكلهم انتقلوا للانتر حتى ابرا اللي مافيه فرق يسوى بالفلوس بينه وبين كاريك ماقدروا يجيبونه اجل بالله لو بغوا يجيبون رونالدينهو ولا واحد من اللاعبين الكبار اكيد بيجمعون قطّه علشان يشترونه هذا اذا وافق الشايب

حتى انا اذكر مرة جيت للرابطة وانا معصب وكتب المشاركة هذي :

إقتباس شباب اليوم عندنا بالحاره الصبح مباراة ديربي .. مانشستر يونايتد Vs ارسنال بين سواقين حارتنا وسواقين حي ثاني السواويق مسوين دوري يلعبون كل صبح جمعه مباراة كان ودي اصورهم بس انشلغت .. ويوم رجعت ثانية لقيتهم ماشيين كل واحد منهم لابس شورت وفانيلة النادي ومكتوب اسمه ورى كاتبين اسمائهم مثل طريقة الدوري الالماني فوق الرقم وتحت الرقم سألتهم وش الجائزة مارضيوا يعلموني ... شكل الجائزة كرتون اندومي الصراحة اعجبني فيهم واحد وقررت بما انني كشاف ارفع لفيرغسون تقرير عنه الاسم : عبدالرحيم الجنسية : إندنوسي المركز : لاعب احتياط وماله لزمه ... وبعض الاحيان يلقط كور] مميزاتة : عادي عنده يجلس احتياط ومطيع جداً دايم يرسلونه للبقالة , ويرجع الكورة بسرعة اذا طلعت , حماسي مرره عيوبة : كله عيوب مافيه ولاشي زين ... قيمتة : بلاش او بعض الاحيان تاخذه ويعطونك هدية >>>>>>>>>>>>>>>>>>>>>>>>>>> <<<<<<<<<<<<<<<<<<<<<<<<<< والله العظيم هزلت الاندية تتعاقد مع بالاك وشيفشينكو وحنا نفاوض ابياه والكديش اللي مثله المفروض ان اليونايتد يردون على صفقة شيفشينكو بـ ادريانو وبالاك بـ غاتوزو

وقتها كان صدق فيه مباراة سواقين الحواري .. لكن جبتها دقه على شايبنا .. بس شايبنا ماينفع معاه الدق يبيله بالمطرقة على راسه الين يصحي وينتبه ان الدوري مابقى عليه شي وهو الى الحين ماجاب الا كاريك وجته اصابه من زين الحاله وكوتشاك اللي تقول الاخبار انه وقع اعارة وانا ماني متأكد لين اشوفه مع الفانيلة وبعد ماراح اتأكد الين يلعب اخاف تشلسي ياخذونه مثل جون اوبي ميكيل


ماطول عليكم لكنّي محتر وقررت افجرها فيكم لأنكم مانشستراوية وتعرفون البير وغطاه



××× اعذروني وتحملوني , وكانك تشوف يابو حميد ان كلامي مايصلح سو له تحرير اهم شي طلعت اللي بقلبي من زمان ×××