|
][رحلتـي الى جدةغير!!تبون تشوفون وش صار صفوا طابور ولاتنسون معاكم تذاكر الدخول][
 بسم الله الرحمن الرحيم
شخباركم؟
والله مشتاقة لسواليفكم ومواضيعكم..
حبيت انزل موضوع خفيف لذيذ<صار دعايه كنتاكي
والله كنا مسافرين انا والاهل..قررنا نروح لبيروت بس الحرب!!الله ينصرهم وترجع لبنان مثل ماكانت
طبعاً ابوي الله يحفظهـ غير مسار الرحلة واتجهنا الى جدة ..تعرفون حركات هناك شارع الكورنيش خطير..
وابي اكتب لكم وش صار معاي..واتمنى لكم قراءة ممتعة..
قبل كل شيء يالي تقراء رح جب لك كاسة شاي وفصفص   وتعال مخمخ مع موضوعي<ياخطيرة : : :
اول شيء اخذنا عمرة في مكة ..وجننت بابوي ابي اشوف نادي الوحدة..يجي ابوي يقولي اللحين تاركة الهلال وتجين للوحدة..طبعاً انا تفشلت  وابوي ماقال الا الصدق تاركة الزعيم واروح للوحدة<ياشيخة فكينا
اول ماوصلنا جـــــدة طلعنا لملاهي كبيـــرة ومعروفة عندهم مابي اقولها<تسوي دعايه
وصار لي موقف هناك
ركبت في لعبــــــه انا واخوي الي اصغر مني وامتلت اللعبه بنات وعيال..الا في شله بزارين قدامي رفعوا ضغطي يغنون ويقولون
عســــــــل عســــــل اووه يالله..اتحادي وصل حيوهـ يالله
انا المسيكينه جالسه اتلفت اقول وينهم....بنو تشاد..طبعاً اختكم في الله ماسكتت لهم وجلست اقول
محـــــال محـــال قولوا محـــال مافيه زعيم غير الهـــــلال اوووهـ اوووهـ ..دير بالك دير بالك الهلالي الليلة جالك<حقوي على غفلة
انا واخوي صرنا فرقه حسب الله..
طبعاً البزارين جلسوا يتلفظون الفاظ عن الهلال اخلاقي ماتسمح لي اني اقولها..طبعاًاخوي كحيلان<ترى مو اسمه..وقفهم عند حدهم وصارت هوشه واللعبه تشتغل...وبعدين اول مانزلنا من اللعبه وطلعنا انا واخوي
يجي رجال ويمسك اخوي قاله انت هلالي؟
اخوي:ايه هلالي حتى النخاع
الرجال:انت كذا
اخوي كاشخ  وحالته حــــــــــــــــاله..وانا في قلبي اقول مو بس هو حتى انا عاشقة للهلال.. : : : الموقف الثاني
في مجمع كبير وجديد..رحنا له
انا واختي الكبيرة نزلنا نتسوق<خرابيط بنات
طبعاً اختي مدمنه جوالات واكسسوارت الجوال..وقفت عند بوتيك صغير يبيع حوسة الجوال
انا شفت اساور مكتوب عليها اشياء حلوة عن الهلال الزعيم..عيوني طلعن  من اماكنها ورحت لصاحب المحل وقلت له اي شيء عن الهلال عطني طبعاً شريت اساور كثيرة عن الزعيم
اختي الكبيرة بتقهرني..كانت في اساور للاتحاد مكتوب عليها ياكلك<مساكين مصدقين اعمارهم
اختي:عشوووقة شوفي اساور الاتحاد كشخة<نذله
عاشقة:اقول لاتلمسينها تنجسيـــــــــن يدك
صاحب المحل  ارتفع ضغطه مني ودهـ يموتني ..جالس يطالع فيني ..
انا:خير اخوي؟
الولد سكت ودهـ لو يذبحني (طلع اتحادي المسكين)..جلست اقول بيني وبين نفسي..ياكايدهم ياهلال حتى وانت بديرتهم كايدهم وقاهرهم وذابح جماهيرهم!! : : : الموقف الثالث
رحت انا وابوي..على فكرة ابوي الله يحفظة هلالي بالحيل يعني من يوم كان صغير وهو هلالي ولحد اللحين..يحب اي شيء ازرق <شكل حب الهلال وراثي
طبعاً في محل صغير يبيع اكسسورات وخرابيط..ابوي وقف عند المحل..وكان الي يبيع ولد يعني شاب..
ابوي:يالله في اي شي عندك عن الهلال؟
الولد:افا اذا مافيه شي عن الهلال..كذا ترى كنك تسبني
ابوي: عشـــــــت والله
طبعاً ابوي كسب الولد علشانه هلالي واشترى لي ولاخوي تعلقيات جوال عن الهلال وربطات لونها ازرق<ندعم الهلاليين وبقوة : : : الموقف الرابع
مرررة من المراريت..اخوي الكبير يتمشى فينا بجدة غير<دعايه
ومر بنا من النادي الاهلي ..وبعدين رحنا لنادي التزوير عفواً نادي الاتحاد وقف عندهـ
اخوي:عشوقة انزلي صوري مع محمد نور
انا:بسم الله علي الرحمن الرحيم,.,بايعه عمري ..والله لو انا مصورة مع الذيب ولا الموهوب اقول فكنا بس
اخوي هلالي(عائلتـــــــنا هلاليه بحته..خدامتنا على فكرة تدرون انها تعرف سامي والشلهوب وياسر ولدرجة انها مرة جتني وقالت لي ..عشوقة انت في معلوم واحد اسمه نواف في هلال..انا شهقت وش عرفك فيه.؟قالت لي ان خدامة خالتي تسولف لها عن نواف..وش قد عيال خالتي يحبونه لدرجة انهم جننوا بخدامتهم)<ياقاهرهم ياهلال حتى اندونسيا والفلبين يتكلمون عنه..!!
المهم نرجع حق محور حديثنا<يالليل ماطولك
قام اخوي شغل لعبد المجيد عبد الله زعيــــــــم نصف الارض.. .وطولها ع الآخر عند بوابه تـــــــشاد..اقصد الاتحاد
بس طارت عيونهم الاتحادين <جماهيرهم
انا مكيفـــــــه ومبسوطة وفالتهــــــــا ع الآخر!! جلست اقول الله خلق وفرق بين بوابات الانديه ياحياتي يابوابه الهلال اقسم بالله اني ااذا تضايقت بس اتمشى بعريجا واشوف انوار النادي وذيك البوابة الزرقاء ينشرح صدري..فديت عريجــــــــــا<ومن الحب ماقتل  : : : يتبـــــــــــــــــــــــــع  | 