السلام عليكم ورحمة الله وبركاته مرتن أخرى أصدقائي الهلاليين

معليش لأني تأخرت بالرد لظروفي الأسرية <=== يسمع بالتصريف


وأعذروني لو رديت برد موب زين قسم بالله توي صاحي من النوم <== صح النوم أنا

وجوعان ... والأهل مسافرين لهم أسبوعين ... حتى الشغالة آخذينها <=== وش تبي بالشغالة أنت


المهم ماعلينا أحس إني أشحذ موب أكتب رد ههههههههههههههه ..


نرجع لكم أصدقائي ...


والله ماقصرتوا على المرور والتفاعل مع الموضوع بآرائكم الجميلة والنابعة من القلب ..

فعندما تسلل أشعة الشمس لتخترق السحب وتبدد الظلام تأتي ردودكم كالضوء الساطع في الموضوع <==

إقتباس والله ياشكلك حاقد على بلاتر مثل سلطان السعد حقنا واخيرا اسمح لي ان طولت بالرد لانه ابهرني موضوعك الطريف يافتى ثكلتك امك =======> طاحت بالغط

والله ياخوي بلاتر خربان من تالي ... موب بلاتر الأولاني

لا ياحبي لك خذ راحتك تمردغ بالموضوع حنا وش لنا غير السواليف ياحبي لك

اذهب كان الله في عونك



.......

إقتباس بالعكس وسعت صدورنا ... والله يسلم يدينك منب قايل يديك عشان الثانية مكسورة <<<< ماتعوق معه الفقشة بس نقول تسلم يدياتك

هلا صديقي توت عنب كواكب هواء ..

طيب يا مدرس القواعد الحين وش الفرق بين يدينك ويديك ؟؟ .. يعني يدينك مفرد ؟ ..

ماش شكل اللي مدرسك قواعد نصراوي .. غشّك ياحبي لك بالعلم والمعرفة

الله يسلمك يارب ..

إقتباس لكن صراحه صادق اخوي النايف النفيعي يعني سعودي ونصراني بعدين السعوديه مشرق الأسلام وماتركب عليها هاذي الا اذا حطوا شرط ان يكون الأعب مسلم

هلا أخوي ... والله أنا لي وجهة نظر غير يعني ..

السعودية دائما مشرق الأسلام ومنبع الإسلام ...

ولكن فيه مؤسسات وشركات حكومية وخاصة تعتمد على قوة ودقة عمل العناصر الأجنبية .. وأغلبها ليست مسلمة ..


أول شي تفاريز يبي يسلم إن شاء الله ... لكن لو ما أسلم ... ماعندي مشاكل بالنسبة لي ..

لأنه راح يلعب كنه محترف بالمنتخب السعودي .. مثله مثل لعبه بالهلال ...

وحنا نبي نلعب فيه كورة .. موب مجاهدين فيه عشان يصير مسلم

مادري هذي وجهة نظري .... والله أعلم




..............

إقتباس على طاري وجع الراس اعرف واحد يوم جاء هدف اوكرانيا الاول <<< الكوبري في مبروك زايد قال عن إذنكم بروح اودي أهلي السوق والوعد مباراة اسبانيا وتونس وين الوطنيه يازميلي <<< مدري وين راحت

ياحبي لك ياهلالي ... الوطنية الحين صارت تدرس بكتب ... مع ان المفروض الانسان يصير وطني بدون تدريس

فزميلك أجاد عندما حط رجله بعد كوبري منتخب أوكرانيا .. وش له بحرقة القلب

منتخبنا دخل عليه أهداف بأربع مشاركات أكثر من اللي دخلت على منتخب البرازيل بجميع مشاركاته

ماش لازم تجنيس ولازم يلعبون مباراة كل شهر مع منتخب عالمي ... مايصير هالكلام









أشكركم جزيل الشكر أصدقائي على التفاعل مرة أخرى .....

نشوفكم على خير لو صار فيه زود ردود .... يالله بروح أدور لي شي آكله الحين والله ياطرقني الجوع