أخوي محترف توقعات يعلم الله اني موافقك في كلامك اللي طرحته وتمنيت اني أكون أنا اللي أثيره لكن طلعت راعي الأوله...اسمع طال عمرك أنت ومن يقرأ:الناس اللي يسوون الحاجات هذي هم أنواع منهم اللي يبغى يفشر قدام أخوياه انه راعي غزل ومطيح بنات الديرة ومن هالخرابيط اللي يخربطونها ... ومنهم اللي متأثر بشلة تستخدم نفس النوع من المكالمات وانجرف معهم (مع الخيل ياشقرا)...والله ماأزل عليكم اني سألت بعض الناس الله يستر علينا وعليهم عن أسباب الشي هذا مالقوا لي بال مع انهم عارفين ان الشي هذا غلط..بعدين ياخي اذا بليتم فاستتروا وتلقاه يمشي مع العالم ويقول خويتي كلمت خويتي زعلت وخويتي مادري وشو..ياخوان بالله عليكم لو يكتشف مثلا الانسان هذا ان أحد من أهله ينتهج الأسلوب هذا والله لايقوله ان شاء الله ويحمي بنات المسلمين من هذي الظاهر ة الدخيلة أكيد راح تلقا وجهه يتلون من الزعل لا وهذا بعد اذا ماوصلت لدرجة انه يذبحه....طيب ليش مافكر بأعراض الناس أول....وهنا أذكر ببيت يناسب هذا الشأن مع اختلاف الحادثة وهو:من شق ستر الناس شقوا ستاره......ومن ضحك بالثرمان يضحك بلا سن ../طولت عليكم لكن أدعوا معي ان الله يهدي شبابنا وبناتنا الى مافيه الخير والصلاح...وشكرا