السلام عليكم

يعطيكم الف عافيه شباب .. مجهودات رائعه بارك الله فيكم و سدد خطاكم وأصلحكم يا حبايبي .. مغير مقابلين هالنت ماشاء الله عليكم

المووهم .. أنا اشوف اننا نحتاج حارس شابّ .. ديدا وش نبي فيه ؟؟ زيه زيه فان در سار .. انا قصدي أننا نأمن حارس مرمى كويس بعد ذهاب سار اللي قدامه سنتين على الاكثر .. فيه حراس شباب واجد منهم كوبيه حارس ليون و روبنسون حارس السبيرز .. ولو يروح فيرغي لم فرنسا فيها حراس مثل تشيك متميزين

ظهير ايمن جيّد علشان غاري نيفل كلها موسمين او ثلاث و يرحل .. مع اني ماشوفها ضروريه جداً هذا الموسم .. فيه براون يسد .. و نفس الكلام بالنسبه لحبيب البي جيجز .. و كم اتمنى داونينغ .

بالنسبه لـ قلوب الدفاع .. ماتوقع اننا بحاجه لهم .. براون و ريــو و سلفستر و فيديتش و هاينز .. انا اتمنى ان فيرغي يجعل ريـو و هاينز قلوب دفاع .. وغاري و ايفرا على الاطراف .. بالنسبه لـ إيفرا اشوفكم حاقدين عليه .. كل اللي اقوله انتظروا هاللاعب الموسم القادم

نحتاج محور إرتكاز متميز .. كاريك ممتاز وعاجبني .. ولو أنه دفاعياً ليس بذلك القوه .. ولا مانع من جلب غاتوزو إن صحّ لنا .. اتوقع هو وريــو انواع التكسير .. غاتوزو من شفته يقلّد ايمنيم و فاصخ السروال وانا غاسلن يدي منه

مهاجم هداف .. طبعا البعض منكم يقول صانع لعب .. بصراحه انا فكرت تفكير عمييق الشايب حقنا ما يعتمد على صانع لعب زي ريكلمي مثلاً .. ولعبه أغلبه على الاطراف .. يعني جيجز رونالدو كاريك غاتوزو سكولز بيرلو <<< طمووح انت بارك فليتشر أوشي ابو كراعين ..

نحتاج مهاجم زي توريس أو كلوزه .. واتمنى ان نيستلروي ينتقل ويجيب لنا مبلغ حلو مع انه يحزّ بـ قلبي خروجه .. بس للسنّ أحكام بصراحه

هذا اللي انا اشوف انه بحاجته هالموسم .. محور إرتكاز .. مهاجم .. صانع لعب إن وجد ويأتي بدرجه أقل

بالنسبه لـ نوري شاهين ..لاعب جيد ويجي منه وفلته .. بس بالله فكروا معي .. اللاعب عمره 17 سنه .. ما تضمن هو يتأقلم بسرعه والا لا .. يبيله موسم علشان يتأقلم .. رونالدو ثلاث مواسم وحنا نعلّم فيه وللحين نعلمه .. يعني حرام نفرط فيه و نجيب لاعب ونبدأ معه من الصفر .. اللاعبين متقاربين المستوى بصراحه .. و أفضّل بقاء رونالدو عليه

إلا إزا جابه فيرغي زياده عدد .. و خلق جو من المنافسه بينه وبين كريستي .. أو يجعل جيجز وقت الحاجه ويكون نوري يمين و رونالدو يسار .. كذا أنا معه

بالنسبه لـ رونالدو .. وراكم مكبرين السالفه ؟؟؟ .. من جهتي .. والله ما ني حاط 1 % أن كريستي بيطلع .. كبروا الوساده بس و أرقدوا .. ديفد جيل خويي وسهران معه البارح وقال رونالدو مهوب طالع

بالنسبه لـ هاينز .. فيرغي مستحيل يفرط فيه لأنه معجب به بشكل كبير .. و هاينز يحب المان و جمهور المان وما أتوقع يطلع ابد .. يا حبيله بس هو ويديه لا تصافقن .. واذا تبون رأيي .. اذا شفتوا خبر ان ريال مدريد جاي يفاوض مانشستر علشان لاعب اغسلوا ايدكم منه .. بالله من فيه ما فاوضوه ؟؟؟ .. ليتهم بس ياخذون الشايب وربي لاشجعهم واسحب على رابطه برشلونه <<<<< لا يسمعك سنفور بس

عوافي يالربع .. ونبي تفاعل أكبر ..

فـ مان الله ,.,.,