السلام عليكم ورحمة الله وبركاته
نلاحظ في الفترة الاخيرة كثرة الكلام عن التعاقدات وفيهم اللي يطلب ظهير ايمن وفيهم اللي يبي مهاجم وفيهم اللي يطالب بصانع العاب للفريق
طبعا اكثر الكلام اللي صاير هاليومين عن الظهير الأيمن والمفاضلة بين الياس والنجم القادم العبدالسلام
متى جته فرصة الياس أصلا
تو اللاعب في بداياته وحطموه البشرية تحطيم مع انه قدم مستويات كبيرة وعلى فكرة أنتم تبون تجيبون العيد في العبدالسلام ومدحكم الواجد له في مركز الظهير الايمن مع ان اللاعب ماجاه اختبار صعب في المبارايات اللي لعب فيها ظهير يعني حتى لو انه لعب قدام العين لكن كلنا نعرف ان العين يعتمد على الجهة اليمنى كثير وخصوصا في تلك المباراة واللاعب بنيته الجسمانيه ضعيفة يعني لا يصلح لا في محور ولا دفاع يعني مكانه بالوسط وبس وللمعلومية اللاعب ماهو سريع بعكس الياس .
بالنسبه لي اتمنى التعاقد مع لاعب يكون أجنبي وفتيت مو حيالله ولا خلونا على الياس لأني ماشوف ظهير ايمن بالدوري السعودي زي الناس وحتى الدوخي لما طاح مستواه في السنة الاخيرة
صدقوني لو يعطون الياس الوقت والثقة راح يتطور شوي شوي
أي جمهور عنده نواف التمياط وسامي الجابر وياسر القحطاني ومحمد الشلهوب وعبدالعزيز الخثران وكماتشو وخالد عزيز وعمر الغامدي وفهد سرور وتفاريس والغنام والبرقان أكيد يبي ظهير ايمن بقراطيسه جاي من فئة الشباب يسحب بالخصوم تسحيب وأوفراته مجنونه
يحق لكم بس لازم تفكرون بعقل شوي وين المسؤلين عن فئة الناشئين والشباب وخصوصا فئة الشباب واللي بدأ الاتحاد والشباب والأهلي يزاحمونا ويتفوقون علينا بعد ووين كشافين المواهب ومن زمان ماجانا لاعب من درجة الشباب يعني تكون طلعته قوية وأنتم تعرفون من وين جاء الصويلح والعنبر وياسر وغيرهم كثير مع ان مدرسة الهلال هي اللي طلعت الثنيان وسامي وخالد التيماوي والتمياط اخوان صفوق ومحمد ونواف والشلهوب
ودي اسالكم بصراحة متى اخر مرة جانا من فئة الشباب قلب دفاع مميز ؟؟
ولا مهاجم من بعد سامي الجابر !!!!
تخيلوا كم سنه من طلع لنا سامي الجابر ؟؟
سنه أكيد لا ولا سنتين ولا ثلاث
تدرون كم سنه
18 سنه
طبعا جانا مشعل الموري لكن وين مركزه الحين وهل هو راس حربه تقليدي ؟؟
ووين الاظهرة اللي جبتوهم لنا بعد الدوخي في اليمين والصويلح ( مدري اذا كان من شباب الهلال) أو خالد الرشيد ؟
الأسئلة هذي نوجهها للمشرفين على القطاعات السنيه في نادي الهلال
شــاهــيــن
