لعلمكم يا إدارة تراه المسدد الوحيد للضربات الحرة في الهلال.
وقارنوا بينه وبين أفضل مسدد بعده -اللي هو الشلهوب أو الجمعان- وراح تلقون بينهم فرق واسع والدليل على هذا شوفوا كم فارق التهديف بينه وبينهم. وهالشيء راح نفقده إذا جاء وقت الحسم مثل تعادلنا مع الشباب والإتحاد في النهائي يوم يحسمها لنا بفاولين ولا أحلى.
وكماتشو والشلهوب قدروا يكونون ثنائي وسط متفاهم لأبعد الحدود قدر في كثير من المباريات إنه يوصل العديد من الكرات للهجوم. وبفقدان كماتشو راح نبدأ من أول وجديد إن حنا ندور خط وسط متفاهم يعوض غياب كماتشو عن الشلهوب.
غير كذا إنه قدر يكون مع مواطنه تفاريس ثنائي جيد قدر في كثير من المباريات إنه يسوي جمل تكتيكية صفق لها الجمهور كثيرا وإربكت دفاعات الخصم في عدة مبارايات. وراح هالموسم إن مستوى تفاريس بينزل أقل من المستويات السابقة والسبب إنه هو و كماتشو من نفس البلد ولذلك راح يحس تفاريس بالعزلة اللي راح تنعكس على مستواه.
والأهم من هذا وذاك إن كماتشو عرفناه وحبيناه وصار بيننا وبينه عشرة عمر على ما قالوا. وإذا صار اللاعب يحس ان الجمهور متفاعل معه ومعجب فيه راح يعطي في الملعب أكثر من اللاعب الجديد اللي قد ينجح وقد ماينجح