السلام عليكم


بالله وش رايكم في الاخراج؟؟ انا اشوف انه اسوأ شي في البطولة هذه (بعد شيفشنكو طبعا )


من جد سيء سيء سيء...تحس انهم خذوا مخرجين سعوديين يسوون الاخراج عندهم..

التسلل يعيده لك من زاوية ما تشوف شي..وتقعد تتجادل انت وخوياك بقية المباراة هل هو تسلل ولا لأ..

التصوير تلقاه يمشي مع الكورة وشوي الا هو يسبقها وتطلع برى الشاشة..وبعدها يوقف ويرجع يدورها وتجي الكورة تطلع من الشاشة من الجهة الثانية

اللقطات والتسللات الأكثر اثارة للجدل ما يمديك تشوفها الا اذا كان المخرج رايق ومسكت معاه يعيد..

الاعادة نفسها تكون سرعتها زي سرعة الحركة الاصلية ولكن بفارق بسيط

بالله عليكم شفتم المصور كيف يراكض مع خط التماس علشان يقفط التسلل هو وخويه اللي ماسك مدري سلك او مايك.. ...وين الكاميرات اللي تقعد تفرفر لحالها؟؟؟

يعني معقولة فرنسا 98 وكوريا واليابان 2002 عندهم تقنيات اخراج افضل من المانيا؟؟؟؟؟؟؟

حتى قفطات الجمهور الحلوة صارت في السنة حسنة..وما تشوف الا واحد من الجمهور بس في كل مباراة..واذا كانت المباراة للارجنتين فبيكون ذلك الواحد هو مارادونا


بصراحة اخراج المانيا غثيث..ويبقى اخراج فرنسا 98 هو الافضل بلا منازع (تذكرون المصورين يوم يلقطون حقين العلاج الطبيعي وهم يبخبخون لتولدو وبارتيز من جد مصورين ومخرجين مقلعين)


ونرجو المرور على الموضوع