22 مليون مواطن ممكن نلاقي بينهم 4 مدافعين ممتازين ...
لكن هئ لهم الدوري زين و شجع اللاعبين على الاحتراف الخارجي و سوي مباريات ودية مع منتخبات قوية وان ما امكن نلعب مع منتخبات افريقية فبنيتها قوية ولعبها رائع ، قلل وراتب اللاعبين وارفع من المكافآت وبتشوف اللاعب يجتهد عشان يحصل المكافآة ...
على الاندية وضع مكافأة للاعب اللي يناول كورة الهدف ، بمعنى اذا كان اللاعب اللي يدخل هدف 5000 الاف ريال مثلا يكون مكافأة اللي ناول له الكورة 7000 ريال ، هذي الطريقة تحفز اللاعبين على عدم الانانية ..
احتكار الدوري السعودي في هذا الوقت هو في غير صالح المنتخب والكرة السعودية بشكل عام لأن شعبية الكورة تناقصت كثيرا في الفترة الاخيرة ، وللعلم فكأس آسيا انضمت له استراليا وبالتالي بيصير اقوى وفرص فوزنا فيه اقل بكثير من اول ..
نقطة مهمه .. يجب دعم الاندية الضعيفة واندية الدرجة الاولى اكثر من الاندية القوية والغنية ، لأنه لو تلاحظون الان صرنا مثل مصر ، الهلال والاتحاد مثل الاهلي والزمالك ، والشباب احيانا يخطف منهم بطولات والباقي لهم ... على كذا اصبح الدوري ضعيف ومافيه منافسه .. لكن لو تحسنت الاندية الضعيفة بالذات فبتسوي احتكاك كبير وتشعل المنافسه وبالاخير نلاقي كل المباريات بالدوري قوية وحلوه وتتشجع الناس تتفرج على المباريات وتروح للملاعب وتتشجع الشركات تعلن في الاندية وبالتالي زيادة كبيرة في الدخل وبعدها ممكن يتشفر الدوري ويروح دخله للاندية ...
وقتها بنشوف لعب كورة ممتاز و منتخب متوازن يضم لاعبين من اندية مختلفه وليس الهلال والاتحاد ( وهذا اثر على كل الفريقين فلاعبينهم الاساسيين ما يلعبون معاهم بالدوري ) ..
لازم نشوف مدرب ممتاز وتوضع له الثقة ويستلم تدريب المنتخب فترة طويلة ( 8 سنين مثلا ) وبالتالي يطور لعبهم مع الوقت ويكسبهم مهارات ويلعبهم مباريات بشكل مستمر ويدخلون بطولات دون المطالبة بالفوز ، فقط يشاركون للاحتكاك والتطوير مثل ما سوت اليابان ، وندخل كل الكؤوس التجارية مثل كأس LG وكأس SONY وللعلم يعرض على منتخبنا الكثير من هذه البطولات ولاتتم الموافقه رغم ان فيها منفعه مادية ايضا ...
وصدقوني بمجرد تأهلنا لكأس 2010 بتشوفون منتخب قوي وبيلعب بدون خوف لأنه غير مطالب من الاساس بنتائج ..
والتجنيس بشكل عام ما نحتاجه وعيب علينا اما قطر فهذ حاره من حواري الرياض وما عندهم لاعبين اساسا ...










اخوكم ماجد الشمري