نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - لكل طـالب وطـالبة أدخل ونزل موقف طريف حصل لك..(‍ياويلك يالي تدخل وتقرأ)

العنـا · #28 12/06/2006, 05:58 PM

إقتباس

الرسالة الأصلية كتبت بواسطة الفيروسه الزرقاء


	لأ ياأخي أنا ماأروح برا الرياض تجيبون لي مستشفى شهار بـ الرياض أروح له :p ، باااعاااد تبيني أصيف هناك لاأهل يزوروني ولاأحد . بعدين تعال ! خير إن شاء الله تبي توديني أنا عارفتك أنت تبغى تروح لمستشفى شهار بس مالقيت من يوديك وحطيتها فيني ... ولايهمك يـ العنا بوديك لمستشفى شهار لأ وبطياره خاصه و ع طول تنزلك بـ المستشفى ماراح تحس ببعد المسافه أهم شي نفتك منك .. الفيروسه الزرقاء

الله يخليك فيو بروح دام فيها طياره خاصه بروح بااااعااااد طياره خاصه وما اروح

فيو العاقله >>> تمويه
انا لو رحت يمكن تروح حبتين الهبال اللي فيني

انت لو تروحين حاجتين بتصير

اول حاجه بعد الكشف عليك بيكتشفون ان كل المرضى اللي عندهم عاقلين مقارنه فيك وبيطلعونهم

ثانيه حاجه يومين علاج وينهبلون الدكاتره اللي يعالجونك

:p

عاشقه والله اتوب اخر مره تشوفين رقعه يوزري

وعشان ما تزعلين خذي هالموقف
بالثانوي كان عندنا استاذ مصري حق العنقريزي استاذ يحبه قلبك على كيف كيفك وكنت انا وثلاثه معي شله الانس نقعد دايم بركن الفصل معروف الركن حقنا بالركن الذهبي عند كل المدرسه انا كنت بالركن على شارعين المتر بالف وخمسميه

جت حصه استاذنا المحبوب وكان في واحد من العيال قدامي لا يقل عقلا وثقلا عني :p وكانت مدرستنا مفروشه مو زيكم بلاط

الفرش لونه احمر

الاستاذ ما يحب احد فينا يقوم لانه يدري لو قام احد فينا راحت الحصه كلام فاضي

اتفقت مع خويي نرمى قلم احمر مربوط عند الاستاذ ويستاذن خويي يقوم يجيبه عشان في الطريق يضرب هذا ويحارش هذا ونستفيد من الحصه

طبعا انا اجهز جبت القلم الاحمر والخيط جبته من وين ;) من شماغ خويي شريك الخطه الذهين

رمينا القلم واستاذن الولد ورفض الاستاذ دون ادنى شعور بالذنب تجاه صاحبي المسكين

قال الاستاذ انا اجيبه لك يا صالح بس لا تتحرك وهذا هو المطلوب وقام الشيخ صالح كل مانزل الاستاذ يده عشان ياخذ القلم يسحب القلم والدنيا احمرررررر في احمرررررررر القلم والفرش والخيط وبعد ما جرجر صالح الاستاذ على وجهه كم مره اكتشف الاستاذ الذهين اللي قاعد يصير واستدعى المدير وصارت قضيه وبعد الحصه في الفسحه مرينا صالح في بيته اقصد وهو موقف عند باب غرفه المدير نسلم عليه حق وواجب خوينا

واحد من الملاقيف قال لصالح ليه شماغك ابيض

صالح قعد يناظر شماغه بكل بلاهه واكتشف ان الخيط ماخوذ من حضره جناب شماغه وفي غمضه عين ما شفنا صالح الا وهو عند المدير كاب العشا وفاصخ الشماغ يشرح للمدير كل اللي صار

محاكيك مثل الصاروخ استاذن من الوكيل ومع السلامه

هذا ما منع المدير انه يوظفني سكيورتي من باكر على باب غرفته

وموقف ثاني ذكرته الحين كان طالبين منا نحلق شعورنا طبعا انا حلقت ومعي ولد عمي ما حلق وحالف ما يحلق انا كان في استاذ امون عليه بقوه الله لا يعيد ذيك الموانه يوم جايوم التفتيش طلعني قال ما حلق

حاولت اتكلم مع المدير ما عطاني وجه مدري عاد هو مرتبها مع الاستاذ او لا الشيخ ولد عمي اول واحد مطلعينه لو تشوفين شعره تقولين واحد شايل شبكه باب قدم فوق راسه

كتبونا تعهدات وقالوا بكره تجون ما حلقتو اربع ضربات وبعد ثمان وبعده سطعش

انا مظلوم فحلفت ما احلق ولد عمي مو مظلوم بس بعد حلف

ليلتها افكر وش اسوي وش اسوي كلمني ولد عمي العبقري وقال لقيتها

ودك تشوفين خشتي وقتها بغيت اروح للمدرسه فالليل

وش سوى العبقري راح شرى من الصيدليه مرهم مخدر والصبح قبل ما ندخل مرخ يديني ومرخ يدينه الله من الخياس في ذاك المرهم بعد

طبعا في البدايه ما حسينا بشي وبعد تقريبا ثلث ساعه بدا المفعول وجاك المدير وقام يطق ولد عمي ولد عمي يضحك المدير مستغرب بس متوقع انه عناد ويضرب اقوى وهذا يضحك المهم انطقينا ما حسينا بشي

يوم دخلنا الفصل قعدت حصتين مااقدر اشيل يدي من جد ما احس فيها الناس يحطون شوي ولدعمي سبحنا ريحه المرهم تصرع

انا من يومها حلقت ثانيه ولد عمي وصل عدد الضربات 32 ضربه وكل يوم الصبح بالمرهم بيومها تعب المدير وخذ العصا الوكيل يكمل عنه والولد يضحك

والله من كثر ما هم معصبين انكسرت العصا على يد ولد عمي المدير والوكيل انخرعت كتوفهم والشيخ يضحك استدعو عمي ومازال ولد عمي يشيل الشبكه فوق راسه