حسبي الله ونعم الوكيل
خبر محزن جدا جدا
لان البيوت الباقية والصامده ما ركبت دشوش راح يرحبون دش اذا كان عندهم ميول رياضية
وبالتالي بيدخل الشر لبيتهم خطوه خطوه مثل ما دخل الشر في بيوت الكثيرين ومثلكم ما يخفى عليه وش اللي بالنايل سات والهوت بيرد وما ادراك ما الهوت بيرد
هذا اذا سلمنا من البلاوي اللي بال A R T
يا يحصل هذا الكلام او ان شبابنا يروحون للمقاهي وعلى نهاية الموسم الجاي وعلى مباراة الكاس ياخذ له راس معسل ويمكن بعد كاس
إنا لله وإنا إليه راجعون والله يا شبابنا مستهدفين ولا يجونهم الا بالاشياء اللي يحبونها
وين رعاية الشباب من حماية الشباب
لازم يعرفون رعاية الشباب ان فيه فرق بين رعاية الشباب ورعاية البقر
وهذا ما فيه فايده للاندية بالعكس على نهاية الموسم الشباب المولعين بالقدم وخصوصا عشاق الزعيم امثالي
على هالحال راح يهجرون الدوري وبالتالي حتى المباريات راح ينسون جدولها ولا يحضرون في الملعب
ويخسي فاسد ناقص اني ادخل دش في بيتي
ياخي بلاش اتابع الدوري السعودي وبلاش اشجع الزعيم
ابتابع الدوري الارجنتيني وابشجع البوكاجونير الله لا يخلينا |