شباب (..ان بعض الظن اثم) اذا كان انا فهمتكم غلط ...
الــ 45 مليون هذي لها فوايد كثير وبإذن الله راح تشوفونها في البطولة
انا بسألكم سؤال...المباريات الودية اللي شارك فيها المنتخب واهل نفسه فيها واعد نفسه فيها من وين جابوا فلوس تكاليفها وتكاليف سفراتها ؟؟؟؟
هذي هي الـــ 45 مليون اللي تتكلمون عنها ياحبايب
بعضكم بيقول لكن 45مليون كثيرة
انا اقولكم اذا صار عندك طاقم مكون من 40 شخص بين لاعبين ومدربين واطباء واداريين
قاعدين في المانيا مع العلم اني عايشة في المانيا فصدقوني اغلبكم مايعرف التكاليف هنا ولا يعرف وش الصرفيات
انا راح اعطيكم امثلة عسى انكم تقتنعوا وتشيلوا الشكوك من بالكم
تذكرة القطار هنا في المانيا يوصل سعرها احيانا لــ 600 ريال ذهاب فقط بدون اياب
وسعرة غرفة في الفندق في وقت كاس العالم يوصل الى 500 يورو لليلة يعني تقريبا 2300 ريال
اذا ساندوتش الشاورما هنا سعره 15 ريال الواحد وسعر علبة الكولا 7 ريال
وش تتوقعوا الـ 45 مليون ريال هذي بتكفي لــ 40 شخص في مدة شهرين بين اعداد ورحلات وسفرات وتنقل واغذية والى اخره... ولاننسى الفنايل الممصمة من شركة بومة للمنتخب السعودية هل تتوقعوا الاشياء هذي مجانية ياشباب ولا هدايا مع المونديال؟؟؟
الله يهديكم بس وياريت تكبرون عقولكم شوي وتفكرون بمنطقية اكثر
انا اشكرك على طرح الموضوع واتمنى انه نرجع نتكلم عنا بعد مانشوف عرض المنتخب في المونديال
وانشاء الله يكون شي يشرف الكورة السعودية كما حدث في 1994 في امريكا
تحياتي,,,