أخوي هلالي من أرض اليمن...
أنا أنظر لتعادل الهلال مع الميناء إنه ممكن
بتقولي إن الفارق بين مستوى الهلال والميناء كبييير
بحيث انه يقدر يحسمها الهلال تاريخية ويمكن بسوبر هاتريك بعد.
وأكبر دليل إنه قدر يقهر فالنسيا وإنه يستحق إنه يكون في أوروبا.

لكن اللي يفرق هنا إن الميناء من المنطقة العربية أو خلنا نقول الخليجية
الهلال لو بارز أندية من نفس مستوى الميناء (بس بشرط انه يكون مو نفس المنطقة).
راح يحسم الهلال اللقاء حتى لو أعيد مئة مرة.
والسبب الرئيسي في هذا هو تشابه طريقة اللعب.

وأقرب مثال على كلامي فريق الإكوادور
الإكوادور تعتبر بالمقارنة مع البرازيل والإرجنتين فريق مغمور.
ويمكن حتى لو نزلنا أكثر ووصلنا البرتغال والتشيك والكامرون وساحل العاج وغيرهم نجد انه لا يزال فريق مغمور قدامهم.
لكن لأنه ينتمى لنفس منطقة البرازيل والإرجنتين فهو إكتسب نفس طريقة لعبهم.
وعشان كذا استطاعت الإكوادور انها تسوي المفاجأة و تهزم البرازيل والإرجنتين بفريق ما يساوي شي أمام فريقين يحملون نجوم يعتبرون من أفضل نجوم العالم.
نفس الشي بالنسبة لباراغواي اللي ماقدرت البرازيل ولا مرة انها تهزمها على ارضها.

لكن إن الله أحيانا شف وش تبي تسوي الإكوادور قدام المانيا في كأس العالم وتعرف الفرق
راح تلقى فريق يختلف عن ذاك اللي هزم البرازيل كليا
ولا لاتروح بعيد وشف الباراقواي وش سوت قدام استراليا في التصفيات
وين الباراقواي اللي تهزم البرازيل في ملعبها؟ وراه ماقدر يتجاوز استراليا؟؟

لكن هل فيه أحد قدر يشكك في قدرات ابناء التانقو والسامبا؟ ما أتوقع!!
نفس الشيء ينطبق على الهلال هل فيه أحد يشكك في زعامته؟ برضه ما أتوقع!!