السلام عليكم ورحمة الله وبركاته،،،
أخواني اعضاء المنتدى الكرام، قبل ما تردون على عنوان الموضوع اقرأوه.
انا بصراحه كنت اضحك على رئيس النصر وعلى تصاريحه لكن صرت اتمناه بدل الي عندنا "حرام اقول عليه رئيس". وأنا مو طماع اقول ابي بندر بن محمد او خالد بن طلال، لأ يكفي زكية. بتقولون ليش؟؟
أقول لكم لإنه كان اللاعب رقم 1 في نادي النص، ولا هم من وين هذا الحماس والمقاتله، وإحنا عارفين ما عندهم احد غير سيزار، ولا الباقين ما في راسهم، لو إسثنينا بعض الناشئين . يعني نقدر نقول مع نقص الهلال تقريبا صرنا في مستوى بعض او احنا احسن شوي.
لكن عندنا نقص في اهم شيء وهو الإداري والرئيس الناجح، إلي تحس انه يحب الهلال من قلب "الله يرحمك يا عبدالله بن سعد". ولا رئيس ما يحضر في بطوله خارجية كامله ولا في مباريات الدوري الشبه حاسمة مع فريقين يعتبرون المنافسين!!!!!!!! وتبون حماس ؟؟؟؟
وأنا ما يقهرني إلا لما اشوف بعض الشباب يقول الرئيس مسكين عنده مشاغل!! "مع إني مو مقتنع في هذا الكلام"، بس نقول صحيح، أجل ليش صار رئيس الهلال؟؟ يخليها لناس فاضيه ، وشفنا بندر بن محمد كيف لما احس انه يبي ينشغل عن النادي استقال.
والأهم اننا نعرف ما في اي انجاز صار في عهد الرئيس الغائب الحاضر إلا وهو من جهد الإدارة السابقة ، أو جهد بعض اعضاء الشرف.
آآآآآهههههههههههه، على حال الزعيم ، وما اتوقعت اني اراه بهذا الشكل من التحطيم. وفعلاً انا حزين على حالي وحال محبين الزعيم البارحه امام شقيقنا النصر، لما نعانيه من قهر وضغط، ورئيسنا نايم بالعسل . زين لو عرف النتيجه بعد. شكله قبل ما يجي يسئلهم عن الي حصل في غيابه.
انا بصراحه اشوف اننا نترك المكابره ونقول للرئيس مع الف سلامه وارجع لناديك السابق، حتى عضو شرف ما نبيك. وإذا في اي محب للزعيم فليتقدم للرئاسه . واتوقع هناك كثيييييير من اعضاء الشرف يتمنون الرئاسه.
وأنا لن اشجع نادي به مثل هذا الرئيس "مع إني عارف ما اقدر على هذا الشيء" لكن خلني اكذب على نفسي عشان ما يجيني ضغط .
والله يعيننا جميعا على محنه النادي ، ويجب ان نقف معه حتى يتخطاها ، واول شيء يكون بإستقاله المدعو بالرئيس اول ما يرجع من رحلة الصيف "إذا شفناه"
ملاحظة: كثر منها ابي عبدالرحمن بن ثعود رئيسنا
بس ابي اخليكم تقرأون الموضوع.
اخوكم
ماجد الشرقية :sad:
