أولا وش رايكم بالعنوان أنفع أألف كتب..............ماخذ مقلب بعمري......!
ثانيا نجي للموضوع الأساسي الي هو كلام أهل القصيم ومايتعرض له من همز وغمز ولمز.....
أقول وبالله التوفيق -بماأني من القصيم من العاصمة بريدة بالتحديد-
لاحظنا انه في الايام الأخيرة انه كثر الاستهزاء والسخرية بلهجة القصمان وان كلامهم غيرمفهوم
وانه معقد وووو الخ حتى ان بعضهم يقول ان لهجة القصمان يبغا لها مترجمين
أقول لعلمكم ان اللهجة القصيمية ماهنا أملح منها لهجة وكلها كلام يهبل ويفتح النفس
وماهوب ذنبنا يالقصمان انكم ماتعرفون للهجة القصيمية الغنية والمليئة بالمفردات والمعاني
الرائعة جداوالي بعضها لوتطير بوهة الواحد منكم الي مايعرف اللهجة زين مافهم نص الكلام الي يقا
ل من الكلام القصيمي الخالص المنزوع عنه الشوائب والاضافات والبهارات
فلذلك أنصح أخواني الراغبين بالمتعة والاثارة تعلم اللهجة القصيمية على أيدي معلمين أكفاء
في هذا المجال كي يستفيدوا من ا للغة القصيمة المعبة والمؤثرة في الوقت نفسه
وفي الاخير توقيع بسيط
الي مايعرف اللهجة القصيمية عز المعرفة ويتقنها أتقان تام ذنبه على جنبه -وراح نسبه باللهجة
القصيمية وافلقوني اذا فهم شي-
