أنا أتوقع ان هالقرار صحيح لأنه راح يدعم خزينة النادي من الإعلانات والتذاكر والتغطية الإعلامية وغيرها.
خصوصا اذا أخذنا في الإعتبار إن الهلال يملك أكبر قاعدة جماهيرية في المملكة.
وأتوقع إنه راح تزيد الجماهير بشكل واضح لأن إدراة النادي هي اللي راح تتحكم بالتنظيم والأمن داخل الملعب.
لأن المشجع راح يحضر وفي ذهنة إنه راح دعم النادي
وإدارة أي نادي راح تحرص إنه توفر لجماهيرها كل الدعم والراحة داخل المدرجات.
إضافة إلى هذا فهي راح تقدر تتحكم بالمباريات المجانية والمسابقات وحوافز الحضور.
يعني باي باي يانمشان ياللي كل يوم طالع لنا بقرارات كنها وجهه. لامن تقسيم ولا من عساكر أمن يبهذلونك في الطالعة والنازلة ولاغيره من المشاكل والمنع اللي نشوفه في ملاعب الرئاسة.
بس لو كتب الله وقررت الإدارة بناء ملعب جديد ياليتهم مايحطون مضمار جري.
لأنه راح ياخذ مساحة وتكاليف أكثر ولا راح يبين شكل الجماهير بوضوح وراح تصغر المدرجات به.
بينما لو حطيناه بدون مضمار. يمكن نقدر نحط ملعب بسعة 45 ألف ويكون شكلة كأنة بسعة إستاد الملك فهد.
وأكبر دليل على هذا ملاعب مباريات الدوريات الأوربية مثل الألماني والأسباني والإنجليزي.
إذا شفته في التلفزيون قلت هذا شكلة 75 ألف مقعد وبعدين نتفاجأ بإن عدد الحضور 45 ألف والملعب فللللل.
ولا أعتقد إن رقم 45 ألف راح يشكل مشكلة مع جماهير الزعيم لأنهم إعتادوا عليه في المباريات القليلة الأهمية مثل مباراة الميناء والوحدة وغيرها. فما بالك بالمباريات المهمة