خوف وترقب ..
[font="Arial"]
قلق يظهر ..
مواصلة وسهر ..
ربما تصل إلى البكاء والقهر ..
مواقف ربما تضحكك بعض الشيء وأخرى تبكيك ..
مواقف تعود بنا الذاكرة خلال مقاعد الدراسة ..
فصدى الكلمات تشرع الأبواب نحو مواقفكم خلال فترة الأختبارات ..
وكان للأعضاء حضور من خلال المواقف المتنوعة فدعونا ننطلق نحوها
دلوعة زعيمها 9 -عضوة المجلس الإستشاري منتديات شبكة " النمر "
الحظ وأنا !!..
الله يسلمكم في اختبار من الاختبارات النهائية
في ايام ثالث متوسط
رايحه وداخله الاختبار واستلم الورقه وأفصفصها تفصفص
وجا سؤال ما عرفته
يمييين يسااار فووق تحت ماا فييه !!
عصرت مخي ابي اتذكر ماااش ..
قلت يا بنت غشي كل البنات يغشون ويلعبون لعب
وانتي لاااأ >> الشيطان شاطر
والله وانقش اجابة من اللي جنبي وهي ما قصرت:thumb up:
وأطلع من الاختبار ومستانسة على نفسي ومتأكدة من كل شي
:evel: >> يا شين الوثوق :evel:
الا انصدم فالبنات ويقولوون الجواب اللي كتبتيه
ونقشتييه خطأ ..
أنا رحت فيها,, يعني الحظ دمااااااار
اول مرة أغش في حياتي ويطلع خطأ
يعني نصيحه مني ..
لا تغشووون >> تأدبت البنت بعد هالموقف
العضو : هلالي من طفولتي من شبكة " الهلال " اذكر الفصل الدراسي الأول كانت مباريات تصفيات كأس العالم وكانت مباراة السعوديه والكويت يوم الجمعه ليلة الأختبار , واشوف الطلاب يوم الأختبار نايمين واصحيهم وشفيكم ((طلاب الشرعي)) قالوا حاضرين المباراة في الملعب ومواصلين
واذكر بعد من مواقف الغش مره راقبت على طلاب المنازل واعمارهم اكبر مني المهم لقيت واحد منهم(( الظاهر انه عسكري)) في اختبارانجليزي مبرشم على يده .. قلت له وش رايك ألغي امتحانك ولا تمسح اللي على يدك قال لا امسحه .. المهم انه قعد يلحس الحبر بلسانه لين انمسح
العضو الجناح الطائر من شبكة الزعيم :
لحظة شوي!! .. أفرك عيوني .. هل أنا في حلم؟؟!! .. أم هي حقيقة؟؟!!
(صدى الكلمات) .. مجلة (الإبداعات) .. تطالبني بـ أحلى (الذكريات)؟؟!! .. وأي ذكريات؟؟!! ..
إنها ذكريات (الإختبارات) .. تلك الذكريات التي تلتصق بـ الذاكرات ..
فـ بعضها (محرج) .. و بعضها (مبكي) .. وأخرى تطلق (الضحكات)!!..
و صاحبكم .. كان له منها نصيب .. يلاحقه منذ أيام الطفولة .. ولا يكاد يغيب!!
و ذاكرتي تمليه عليكم .. فاستمعوا إليها بارك الله فيكم ..
في المرحلة الأولى المتوسطة كنت أحصل على أعلى الدرجات في مادة اللغة الإنجليزية ، وذلك بـ سبب دراستي المرحلة الإبتدائية في مدرسة أهلية -وكما تعلمون في المدارس الأهلية تدرّس الإنجليزية من المرحلة الإبتدائية- ، واللغة الإنجليزية هي المادة الوحيدة التي لا أذاكرها أيام الإختبارات ، وكما هي عادة الأطفال كنت (أتفاخر) أمام الطلاب في صفي بأنه رغم عدم مذاكرتي لـ المادة إلا أني أحصل على أعلى الدرجات فيها .
وفي يوم الإختبار النهائي لـ المادة حضرت إلى المدرسة -وكـ العادة لم أذاكر كونها مادة سهلة- ، و زملائي يسألونني: هااه ، وشلون المذاكرة؟؟ ، فأرد: أصلاً ما يحتاج أذاكر .. الإنجليزي سهل !! ..
ولما دخلت إلى قاعة الإختبار ، ألتفت حولي .. فأرى الطلاب متوترين وخائفين أما أنا فـ مرتاح البال!! ، ولما حان توزيع الأوراق ، وضع الأستاذ ورقة الإختبار أمامي لأقرأ:
الإختبار النهائي لـ الصف الأول المتوسط لـ مادة (العلوم) ..!!!!!!
الأخت : الهنوووف - من شبكة الزعيم في الاختبارات طبعا ياجماعه الخيـــــر وداعا للنوم طول الليل القلب طربق طربق من الخووووف تكون حالتي حالـــــــة وكل شي يحلى في هالايام اقيس ملابسي احوس بشعري اكتب خاطره او ابيات من خرابيطي
من طبيعتي مو دايما اتغدى في الاختبارات لازم اتغدى واكل فاكهه تضيع للوقت بس مواقفنا داخل القاعه عندنا استاذة الله يحفظها ويرحم والديها ماتحب الي يطول في الاختبار تشوفها تجيك بالاختبار ترى صديقتك فلانه طلعت وهذي حالتها مع كل صديقتين تروح للثانيه ترى نوره طلعت يعني اطلعي بس باسلوب مودب
موقف اخر
في المتوسطه لما كنت فيها الله يخليني لعين ترجيني عاد انا طبعي هاديه واستحي المهم وانا امشي مادري الا بذا البنت الي تناديني ماشاء الله عليها دبدوبه وتقول ماذاكرت ابيك تغششيني لاني قدامها بالقاعه عاد انا خفت من البنت خاف تجلدني لانها مثل ماقلت دبدوبه وانا خوافـــة
وبنفس الوقت استحيت وتوهقت واقول في نفسي لايكثر بس مابقى الا هي اخر عمري اغشش
قعدت اخربط عليها وصرفتها وفي القاعه قعدت احووس علشان ماتناظر ورقتي
اختبار انجليزي شفووووي
المهم تسالك وش هالصوره لما جا دوري المهم كانت تسالني عن صوره بئر وتقول وش ذاا
انا مدري من لاعب علي وقايل ان بئر بالانجليزي نفس بالعربي يعني نفس الكلمه بئر
وانا اجاوب وواثقه من اجابتي (بئــر) وتقول لا وانا مستغربه وشلون غلط وهي تناظرني مستغربه بعد واقول (بيــر) وتقول لا واقعد اغير الحركات والكلمه من اصلها غلط
يقالك اتفلسف واحوس بذا الحركات اضم واكسر وافتح المهم في الاخير عرفت معناها وتفشلت لاني كنت اجاوب وواثقه بعد ياحبي لي
ادعووولي يقولون اني بثالث ثانوي تكفـــــون ادعو اني اركد على اجابه لاني متررده وكل شوي اغير وتطلع صح الاجابه الي حذفتها
~ بعض من كتابات - الهنوف - خلال فترة الاختبارات ..
اااااه من هالاسابــــــيع "=" الي كنها اعوام وسنوووات
تعب وسهر ومسكن للكتيبات."="وحفظ وحل للواجبات
ياناس ارحمووا عقــل بنيــه "=" هو عقل ماهو كمبيوترات
واخرت هالسهروالتعــب "="اسئله صعب نقول عليها اسئلات
هي مخترعات ابتكارات"="هذا المسمى اقرب لها من ذيك المسميات
حرام عليكم يالمدرسات ."=" الي تسووونه في هالبنـــيـات
روح قول الاسئله صعبات "="يردون عليك انتم ماتستاهلات
انتم كبرتوا على التخطيطات ."="والسهوله للبنات الصغيرات
حنا البنيات نبي اسئله "="مثل شرحكم يالمدرسات
شرحكــــــم الي كلـه"=" نقل من هالكتب والوريقات
حتى الشرح ماتعرفون له "=".وكيف تبونا جيدات
~ الأخت الكريمة : القناصه - من منتديات شبكة النمر ..
طبعا من يوم وانا بـ اول ابتدائي الين هذيك المرة ومحد يذاكر لي الا امي
الله يخليها لي .. طبعا ابوي الله يخليه لي برضه مايقصر بس طبعا وراه مشاغل كثير يعني ..
المهم عاد خلصت الابتدائي طبعا وجبت ترتيب الاول
كل شي تمام الين جت اختبارات اول متوسط
طبعا كانت امي تعابة وتنومت اول يوم بالاختبارات ..
عاد تخيلوا كيف النكادة
وراحت تسوي عملية .. وانا بس اصيح
طبعا ابوي والله ماقصر الله لايحرمني منه وكان يخلي مشاغله عشان يذاكر لي ..
طبعا كل عصرية نروح لاامي بوقت الزيارة ..وارجع البيت وعلى طول تحت طاولة الطعام
عشان ابكي براحتي طبعا ..
المهم هذاك الترم الحمد لله نجحت وترتيبي الثاني بعد ..
من بعدها صرت خلاص كبيرة واذاكر انا بلحالي ..
~ الشكر لكل من شاركنا
ونتمنى التوفيق لجميع الطلاب والطالبات .)
~ شاركنا برأيك من صاحب أفضل موقف الخيار لك عزيزي المتابع
