السلام عليكم ورحمة الله وبركاته
بصراحة وأنا اقلب في هالجرايد شفتلي كم موضوع
الموضوع الاول/المشجع الذي نزل أرضية الملعب
المشجع وهو يقبل رأس سامي الجابر <<<<< العشق ومايسوي ماقدر يصبر يوم شاف لعبة هههههههههه
هنا وهو يحي الجماهير
وهنا الكبتن سامي يقنعه بالخروج من الملعب
سؤالي / وش رايك بالمشجع هل اعطى الجو مرح ودعابة ولا أعطى فكرة خاطئة عن الجمهور الهلالي وبعدين هالمشجع وش صار فيه يوم خذوه الامن طلعوه من الملعب ولا...................
الموضوع الثاني/ الهلال يزايد على عرض المحياني بمليون ريال <<<<<<<<< عاجبني مرة الموضوع
يقول الخبر حصلت نجوم الملاعب <<الجريدة على أخبار موثوقه من داخل البيت الهلالي عن عزم الرئيس محمد بن فيصل الدخول في صفقة انتقال الاعب عيسى المحياني للاتحاد والمقدرة بخمسة عشر مليون ريال حيث أكدت مصادر هلاليه لنجوم الملاعب أن الرئيس الهلالي ينوي الدخول وزيادة القيمة من15 مليون الى 16 مليون وعلمت الجريدة أن الرئيس الهلالي يسعى للمزايدة على قيمة المحياني أسوة بما فعل البلوي في صفقة ياسر القحطاني
<<<<<<بس تعبت وانا اكتب هذا اهم شي انكتب
الموضوع الثالث/ لقاء مع الشلهوب الموهوب
من أهم ماجاء في القاء انه يبغى يحترف خارجياً وهذي امنيته و
*هل وجود كوماتشو بنفس المركز أثر على عطائك؟؟؟
** هذا مايتوقعه الكثيرون لكن تواجد كوماتشو ساعدني بشكل لايوصف لعودتي الى مستواي
وهذاأخر سؤال سأله
*أخيراً هناك عروض أحترافيه من اندية محلية كالاتحاد<<<هذا مومخلي أحد في حاله
مثلاً تردد بأنها عرضت عليك
**انت قلت إنها تردد عبر الاشاعات وأقولها للمرة الالف مع احترامي لنادي الاتحاد العريق بأني لن ألعب محليا في نادي غير الهلال الذي اعتبره بيتي الاول وليس الثاني
<<<<اعتقد نواف عنده نفس الكلام اللي فوق (أن شاء الله)
الموضوع الرابع/ كافو هلالي على ذمة موقع الزعيم
أكد عضو منتدى شبكة الزعيم ديكو عن قرب انتقال الظهير الايمن البرازيلي نجم فريق ميلان الايطالي كافو لصفوف الهلال الموسم المقبل
<<<<<<<إذا كان الخبر صحيح يعني كوماتشو.................
الموضوع الخامس/ مكتوب في الصورة <<< أحلى خبر إذا كان صحيح مشاركة الدوليين وتجديد نواف شيي
ماراح اكتب تفاصيله لانه في جريدة الرياض وأظن الكل قراه
مدري ليه الصورة طلعة خضراء بس مشو حالكم
الموضوع الاخير/ وأيضاً من جريد الرياض يومان يحددان مصير كوماتشو مع الهلال
والاهم انه قال سألعب للهلال او افضل السفر الى البرازيل
بس خلاص هذا كل اللي عندي وترا كل اللي كتبت على ذمة التحقيق أقصد ذمة الجرايد
ماكتبت شي من عندي
<<<< مدري مين انصدق ومين نخلي بس ان شاء الله جريدة الرياض صادقة
ولاتشرهون على هالصور هذا اللي قدرت عليه
أيه نسيت أقول شي
ياليت ثم ياليت ثم ياليت الهلال يتكتمون على صفقاتهم مع لعيبتهم
أولاً: علشان كل لاعب لايقارن نفسه بالاعب الثاني ويقول عطوني زي ماعطيتوه
ثانياً: حتى لاتسرق صفقات النادي ويغرون الاعب باكثر من اللي معطينه
..والسلاااام خير ختاااام ..
..اتمنى اشوف ردوودكم ..
