هلا ابو ناصر صراحة موضوعك مسكت

شوقتنا حسبي الله على بليسك

من امطار وربيع لضبان ياسلالالالالالالالالالام
هذي العيشة



ترى الرجال اللي بالصورة يسوي شيء للضب يخليه يابس مايتحرك ..وش تسمى هالحركة ؟؟

وإذا بغاه يرجع لحالته ضغط عليه بعصا بين عكرته وحدا رجليه ..

على فكرة ابقولك موقف حصل قدام عيوني .

تعرف فيفا اللي بشارع الستين كنت مرة رايح ابيع فتو

تدري منهي فتو

هذي ببغاء كانت عندي ...دجيت ورحت ابيعها ..كله بسبة فاتورة الجوال

المهم كانوا فيفا حاطين ضب بوسط شبك ..

جت هذيك المصرية وتناظر بهالضب وتقول ايه ده ؟؟

دا تمساح صوغير ...ياختي عليه

يوم سمعتها امر امسط من الضحك ..:p :p :p

يوم سمع الضب كلام المصرية عطاها مقفاه وقعد يصيح ==> لا هذي نصبة من عندي

لو تشوف المصرية وهي تنادي عيالها :
ياحمادة ...يامرسي ..تعالوا ياولاد ..شوفوا التمساح ..عايش بدون ميه

حسبي الله عليتس من مصرية

لا أطول عليك ماقصرت على الموضوع الرايق قي جوا رايق مغبر بالرياض

شكرا حبيبي