السلام وعليكم ،،


في البداية ياشباب انا ودي من هذا الموضوع اننا نناقش مع بعضنا أمور النادي وخاصة من الناحية (الإدارية)
وأتمنى من الجميع المشاركة في الحوار ولو فقط بابداء رأيه ..

ياجماعة ترا هيبة الهلال اختلفت كثير عن زماااان
والشيء الوحيد اللي يحفظ ماء الوجه ويرد على اي واحد يشك في لقب الزعيم هو (بطولاته الــ45)

ياجماعة ترا والله الوضع خطييير جداً .. وين ادارة الهلال وين كلمتها و وين ردها على كل من يتجرأ بالخطأ على نادينا

حققنا 4 بطولات العام الماضي وكان السبب الأول بعد الله هو حبيب قلبي محمد بن فيصل لأنه كان واضع خطة مستقبلية بحته..
تحفظ اسم نادي الهلال عالياً شامخاً ومفتخراً ببطولاته
فأتى بالداهية (باكيتــا) علشان يسلم الفريق الأول على يد مدرب عالمي يستطيع يحقق البطولات وقت مايبغا وهذي تحسب لرئيس النادي اولا واخيراً .. وفعلاً الحمدلله قدرنا نحقق 4 بطولات في موسم واحد (يعني كوشنا على كل البطولات المحلية) ناهيك دوري ابطال العرب ، بسبب الظروف اللي مر بها الهلال في مباراة الذهاب والإياب

ولكن للأسف كل يوم يطلعلنا صحفي ماله يومين ماسك ورقه وقلم ويتجرأ يكتب كلمة (نادي الهلال) بإنتقاد ساخن حتى انه يقدر يشهر نفسه (ويعلمنا بإسمه)
جستنية،ابو بكر عثمان عيسى مالو، ... والطقه الاتحادية المشردة يعني بالله ايش تتوقعوا من أوادم خانوا اوطانهم (الافريقية)!! ، يعني رايحين يخلصوا بحق دولة اللي استقبلتهم كحجاج ضيوف الرحمن!.

هناك تشبيه من ولد اخويه عبدالرحمن صاحب الـ 13سنة .. والله تصدق ياعمي ان الصحافة تذكرني بالقنوات الفضائية المحاربة للسعودية (مثل قناة الإصلاح والقنوات اللي قاعدتها يهودية) ومواقفها مع مليكنا عبدالله بن عبدالعزيز الله يحفظه لنا ولا قد سمعنا انهم يعرضوا انجازات ولا نقول انجازات بقد نقول انه انسان يقوم بالحكم السعودي لدولة اسلامية عربية وتطبيق شريعة سماوية وأعمال انسانية (يعني كأن هذي القنوات ماتعترف بقوة وشجاعة هذا الرجل الانساني) ولكن ماتصدق خبر اذا وقعت اعمال ارهابية او حتى احياناً تقوم بنشر بعض الأخبار الكاذبة على لسان المواطن

و وجه الشبه من ذلك بأن الصحافة السعودية دائماً ماتسلب حق الهلال ومتى ماأخطأ تقوم الدنيا وتقعد
(الهلال فريق التحكيم،الهلال لديه واسطات من المنتخب!،سامي انتهى،الدعيع لازم يعتزل،اقبلوا المدرب،البلوي وقع اللاعب الهلالي ..... !!،بصق اتحادي وعادي،ايقاف الصويلح وعادي،دخول البلوي في صفقاتنا وعادي)
وهذا هو الهلال حارق دمهم ومايذكرونه الا بدي الكتابات..
وتحصلهم هاجديييين اذا الهلال رد عليهم وتحصلهم يكتفوا فقط بتأدية واجبهم كصحافة بذكر هذا الانجاز اسماً!

*********************
قدم الأمير محمد بن فيصل جهاز فني بالكامل ومع ذلك بخس حق الهلال سواءً من الصحافة او الإتحاد السعودي
قدم الأمير محمد بن فيصل نموذجاً من الأخلاق الرفيعة حينما امتنع الرد عن اي صحفي يتجرأ على الهلال (وهو لديه القدرة ان يسكت سطان بن فهد)!
قدم الأمير محمد بن فيصل جماهير تدخل اموالاً خرافية في كل اسبوع لكل ملعب يلعب فيه نادي الهلال وفي أي ملعب في المملكة!!
قدم لأمير محمد بن فيصل التشكيلة الأساسية لفريق حمل 4كؤوس في عام واحد ، ومع ذلك تم اسقاطه علناً بمنع اللاعبين الـ11 من المشاركة في البطولة الآسيوية
باقي نغير لوحة العريجاء من (نادي الهلال) الى ( الهيئة الهلالية لمساعدة أصحاب النوايا الحسنة)!!!

لاقدر الله اذا منتخبنا فضحنا في كأس العالم واكلها خمسات او ستات .. كلهم يحطوا السبب على الهلال بحجة المدرب والــ11لاعب !!

آآآآه بس منكم كل هذا يصير بس في سنتيييين !!..... أجل ايش باقي ماسويتوه
يعني انا اتوقع لو ان الأمير فيصل بن سعود هو رئيس النادي مايصير ولو بحجم اللي صار
وهذا مهو تقليل بحق الغالي محمد بن فيصل ولكن يمكن تعود الأسباب بحكم السكوت الطويييييييل من اميرنا الغالي بحق هذولي الناس اللي أشك الصراحة بوطنيتهم
ولاتنسوا ان العمر له دور كبيير ، وهم استغلوا صغر سن الغالي الأمير محمد ولكن لو سوو اللي ماسووه ففوق خشومهم يظل اسم محمد بن فيصل محفور من ذهب في قلوبنا زي مهو محفور من نار في قلوب الحساد

نفسي اعرف ليه النادي ساكت ومايرد الا بالملعب
بالله مهو من حقنا اننا نفرح بصفقات تطربنا في الملعب مع باقي النجوم

البلوي ياناس ترا بدأها بخميس وبعدين الدوخي ودحين بكماتشو!!
يعني هل تتوقعها بحسن نية ولا نفهمها صح .. البلوي ياناس يبغا الجمهور يكره شيء اسمه الهلال (وهذ والله مستحيييييييييييل)
ويبغا يحاول يشيل اي لاعب مؤثر في الهلال وللأسف ان كل اللاعبين ممتازين ومؤثرين كمان ..

قبل يومين د.مدني رحيمي عجبني يوم قال (لجنة التخبطات)والمعمر مازال يتكلم بـ(دبلوماسيــة)!!
والله لو الصنيع صار فيه مثل ماصارلنا تحصله مع اول مقابلة ياكل فيها المكرفون مع القهر



اليوم ونا قاعد اتفرج على مباراة العين والميناء تابعت الشريط الاخباري وصراحة فيه خبر مني قادر ابلعو ..
يقلك نادي اوروبي واعتقد انه تشيلسي المهم انه عليه غرامة بقيمة 10آلاف جنيه استرليني بسبب الاحتجاج و الضغط على قرارات حكم المباراة !!!
لو طبق هذا القرار على نادي عندنا في الدوري .... ، بالله قولوا ايش راح يصير!


ياجماعة وضع الهلال مايهزه كلام جرايد او حتى قرارات ظالمة لكن احنا بس منزعجين من هالظلم اللي بيصير لنا ومن المستوى اللي مخوفنا دي الأيام ! (الصحافة من جهة والمنتخب من ناحية تانية والبولي محد مروقه)


بالله عليك ياللي بتقرا موضوعي انك تاخذ كلامي من واحد محب للهلال وجماهيره واذا اخطيت بنقطة او حتى في كلمة او رأي معين
اتمنى انك تمشيها وتاخذها من باب عشقي للزعيم.. وحبي لك لجل مشاركتك بالحوار

آسف على بعض الكلمات اذا مافهمتوها لأني من مكة المكرمة ..ولهجتنا مخلوطة حجازي




>>>>>> وهذي كبسة زر <نشر الموضوع> ...........(بيسوي زي أبو سـارة)laugh:


أخوكم ،،
الهلالي الصغير