|
"]«®°•.¸.•°°•...صحيح الكــاس مايليــق الا باحبــابه(اصحابه).. «®°•.¸.•°°«®°°•.¸.•°
بســـم الله الرحمــن الرحيــــم
صحيح الكــأس لايليـــق الا باحبـــابه هذا مارردته بالامس 
شاهدنـــا ليــله البارحة ختــام دوري كاس خادم الحرمين
بين فريقيـــــن
الزعــيـــــم الشبـــاب
من ليله الجمعه والتلفزيون والجوالات تدهــــــر
واحب اشكــــــر جوال الهلال على هالرسائــل الي تخلي الي مايحضر يحضر
حتى انا من زود الحماس بغيــــــت اجي
واشكر بعد قناتنا الرياضيه الي واكبت الحدث ونقلت لنا كل شي في الملعب وخارج الملعب 
بــــــــدت المبارة
كـــــــانت مبارة حضرة وممتعــــه في بدايتها ولكـــن بدا هلالنــا بالتراجــع 
بدا الشوط الثاني وياليته مابــــــدا ضربه جزاء 
بعدها هدف
بالنسبــة لي لم افقد الامــل بعكس امي واختي الي قالو مافي امل مهزوميــن
وجلست اقول تتذكرون اول ومدري ايش الزبده
جاء بعدهاالهدف الثالث
هنـــــــا عاد مدري وش جاني حاله صمــــت ورعب
اصلا المباره من بدايتها ماعجبتني مدري ليش وكثير مثلي بعد تفتقد الحماس مدري ملينا من المباريات
انتهت المباره وفاز الشباب 
عليهـــــــم حركات هالشباب مدري وش تبي رقــــص غربي وحركات مدري كيف 
اناظر واتحمد الله على العافيه
مالومهم فالبطوله تستحق الــفرح ولكن بحدووود مو بهالشكل
قلت غريبه
بعديــــــن تذكرت
ان الخصــــــــم الزعيـــــــــم
فقلت مايلامون اجــــــــــل جتهم حاله هستريه والله
صدق الثقل صنعه كفو يالاعبينا
سبحـــــــان الله حتى الملك عبدالله مو مصدق ان الهلال خسران (( الكاس مايليق الا باحبابه _اصحابه__))
تحس انــــه وده يعطيهم الكاس
ياحليليه الشباب ماتعدووا على الكاس على طول خذوووه الكاس وش رايكم فيه مو حلووو خيره اصلا
على قوله احد الاعضاء كانه شورما
انا من شفت الحركه الي سواها بعد كل هدف واخذهم الكاس على طول وانا غاسلتن يدي
بصراحــــــــــــــه البطووله بدالها بطولات والحمد لله الي عندنا يكفينــــا
بس الي يضيق الصدر
هو المستووووى الي لعبنــــــا فيه كل الكور مقطووعه وللاسف مستوى الهلال ماصدقنا يرجع مثل اول بدا يدحدر
حتــى دعيعنــــــا ماهو على مستواه بس مانقدر نلومه اذا الكل نازل مستواه مافي بيده شي
ماتوقع الاعبين مستهترين بالخصم لان لاعبينا يميزهم احترام الخصــم الا كانهم تغيرو مايندرى والله
بس فيه شي غلط بالمباره وشو مدري
حدث صار في البمراه حدث تاريخي بالنسبه لنا كجمهوور
كماتشووو طلع ماكمل المبارة:p
امنيـــــة تمنيتها وتمناه الكثير ولم يحققها لنا كليبـــــــــر
ليش مادخل ابو عبدالله (سامي الجابر :p ) واللــه ظلم له ان يجلس بدكه الاحتياط
كابتن الفريق وهجوم وبالاحتياط الحمد لله
لان سامي يربك الخصــــــــم ولكن ماكل مايتمنى المرء يدركه يغير باكيتا بمالم يشتهي الجمهور
اتوقع لو سامي فيه بتتغير المبارة لانه اتوقع بيبدع خصوصا ماودي اقولها ولكن الحمد لله على كل حال
على قوله البعض انها اخر مباره محليه له تراني مو مستوعبه كيف اخر مباراه ومابي استوعب
لاني مثــــل الكثير
ماتخيل الهلال بدون سامي ولا سامي بدون الهلال
الله يحفظك ويسعدك ويجعل الجنه منزلتك ويحرم وجهك عن النار فكم اسعدتنا ايها الذئب
انـــــذار
اتمنى محد يكتب ويذكرنا بتوديــــــع الكابتن المتميز سامي الجابر خلونا على عمانا
ان شاء كلامكم مو صاير وبيجلس سامي كم سنه بعد والي مو عاجبه يشرب من ببسي البقاله
واتمنىمن جمهورنا الواعي عدم التذمر والعصبيه وسب فلان وعلان من اللاعبين
فتاكد ان الاعب مستحيل يتمنى خساره فريقه
وانه اثناء المباره لديه ضغووط جماهيريه فاحيانا الواحد مع الضغط ينقلب عكسي
واذا لاعب تسبب بخساره وهذا الكلام كجمهور واعي مفروض نتلاشاه
بس تاكد تسبب بخساره هالمباره فهو كذلكتسبب بفوز ذيك المباره
علـــــى العموم مبروك للشباب وهارد لك يازعيمـــــــنا
ومثــــل ماقال ابو سلطــــــــان خذنا كل شي وخلينا وحده وش فيها عاد
«®°•.¸.•.¸.•°°•.¸¸.•°°•°°•...هنوفيــــــــاتي.. «®°•.¸.•°°•.¸¸.•°°•.¸.•°
لايوجد عندي هالمره الا هنوفيتين
الاولى للجمهـــــــــــور شكرا مااروعكـــــــــــم
الثانيه للاعبيــــــــــن ان كان هناك تساهل منكم فسامحكم الله
واتمنـــــى ان نرى هلال اخر في البطوله الاسيويه
ربمـــــا ماكتبته عتب محبة تتمنى ان ترى فريقها كما تحب ويحب الجميع فاعذروني
الاخطاء الاملائيه اعتذر عنها
[اختكم
صاحبه السموو وفي روايه الهنـــووووف
اخر تعديل كان بواسطة » الهنوووف في يوم » 23/04/2006 عند الساعة » 01:14 PM | 