المشذاب هد اعصابك ، ومبروك الفوز ، واهم شي الدراسه وانشالله نبارك لبعض يوم الجمعه.
اشكرك على هذا المجهود الفكري الذي يدل على حب جارف واخلاص بلا حدود وحب العمل الجماعي المفيد للكيان الهلالي
صدقني كل اقتراح يكتب هنا بخصوص المجلس او الرابطه يصل اليهم ولكن ان يكون اقتراح يمكن تنفيذه ومنطقي.
كل هلالي غيور يجب ان يدلي بدلوه ولايستحقر اي فكره تجول بخاطره ،فنحن لم نتواجد في هذا المنتدى الا للتحاور والتناظر ومناقشة كل ما من شأنه يفيد النادي ويرتقي به .
اقتراحاتك جميله ماعدى الخروج والدخول للمدرج ، صعبه شوي ، ياخي انا اخاف اذا رحت اصلي و الا اشرب مويه يمنعوني من الدخول .
لكن اعجبتني فكرة الأعلام البلاستيكيه اللى طبقوها في مباراة الاتحاد واستوحوها من جمهور برشلونه ،وهي اول مره تتم في ملاعبنا وعلى فكره ترى هذى الحركه طالب فيها احد الأخوان في منتدى الزعيم وتم تطبيقها،وانا اشوف لو ان الأخوان في المجلس الهلالي يجندون كذا شخص متطوع لتنسيقها بشكل افضل ، يعني كل شخص مسؤول عن مدرج من مدرجات الدرجه الثانيه في الطابقين وكذالك مدرج الدرجه الثالثه والممتازه ، ويأتون قبل المباراه بساعات قبل ان يدخل الجمهور بالتنسيق مع ادارة الاستاد ، وكل شخص مسؤول عن مدرج من المدرجات المخصصه للهلال يضع على كل كرسي علم بلاستيكي بحيث يكون مدرج ازرق واللى بعده ابيض وهكذا ،ويتم اعلام الجمهور من خلال رساله بالجوال ، وتوزع الشالات عند بوابات الدخول ، اما مايخص الرابطه كثر الله خيرهم ، لأن من اصعب الاشياء انك تجعل مايقارب الخمسين الف متفرج يشجع بنفس واحد لازم تكون فيه لخبطه ، وانا طالبت ان يكون مدرج واحد او اثنين للتشجيع والترديد بالاهازيج عشان يكون فيه تنظيم وتفاعل والدليل رابطة الاهلي والاتحاد في الاستاد لهم مدرجين ومكرفونين فقط ولذلك تسمع اهازيجهم واضحه ومنظمه ومستمره ،والله يوفق الزعيم يوم الجمعه وتحياتي،،،،