|
رهان مع محمد بن فيصل فمن سيكسب ؟؟
السلام عليكم ورحمة الله وبركاته 
مساء الفل لكل زعماء آسيا من إدارة ولاعبين وفنيين وجماهير 
بعد انتهاء مباراة الزعيم وماشال بخماسية رائعة وفي اثناء هذا الاحتفال بالفوز الكبير نزلت الى ارض الملعب والتقيت بالامير الرائع الذي أسر القلوب بحبه فبادلوه الحب بحب أكبر حتى صار النجم الجماهيري لكل مشجع هلالي
لكل مشجع هلالي لاعب مفضل لديه الا محمد بن فيصل فقد اتفقت جميع الجماهير الهلالية عليه
لهذا حرصت على أن التقي فيه بعد المباراة مباشرة ولم يكن في بالي ان التقي سواه رغم ان الكل كانوا نجوم في تلك الأمسية
قابلني بإبسامته الرائعة وكأنه يعرفني جيدا فحييته وباركت له هذا الفوز ورد التحية بأجمل منها حتى انه احرجني في ساعتها
قلت له الوعد يوم الاحد يابو سلطان نبيها ليلة الهلال فيها بدر قالي ان شاء الله وبوجودكم راح يحقق الزعيم كل البطولات بس تبي الصراحة الاتحاد صعب جدا وانا خايف نخسر منه هو بالذات ياليت الاهلي هو اللى فايز !!!
صدمني كلامه الاخير حسيت اني في حيرة معقوله ابو سلطان يقول الكلام هذا ؟؟؟؟
قلت له يابو سلطان مستحيل الاتحاد يفوز علينا وفي الرياض بعد ولايغرك المباراة الماضية لان الهلال مع كاندنيو مو هلالنا
قال لي بعد الاتحاد مستحيل يطلع موسمين متتالين بدون بطولة وانت عارف من الاتحاد !!!
قلت له اذا انت تقول الكلام هذا اجل الجماهير الثانية وش تقول ؟؟؟؟
قالي تراهني على ان الاتحاد راح يفوز على الهلال !!!
قلت له اكيد أراهنك ومن اللى تبي بعد
قالي اذا فاز الهلال لك مني سيارة بي ام دبليو تاخذها من الناغي (( الى هنا حلو الكلام )) وبعدها صدمني صدمة اكبر من توقع فوز الاتحاد وقالي اما ان فاز الاتحاد اللى ابيه منك انك تشجع النصر وتترك تشجيع الهلال !!!!!!! 
شعور غريب حسيته في لحظتها وبدون تردد قلت له لا طبعا مستحيل الشئ هذا يصير هو انا مجنون !!! انت ماسمعت اللى يقول العقل السليم في تشجيع الزعيم
قالي هذا الرهن اللى بيني وبينك توافق والا براحتك .... رفضت ومشيت من عنده وانا كلي علامات استفهام ؟؟؟؟؟
وأنا ماشي قابلت الامير فيصل بن سعود ومن شافني ابتسم وقالي معقوله ماتراهن على فوز الزعيم ؟؟؟ كان يعرف في الموضوع اللى دار بيني وبين امير الزعماء
قلت له بس هو يبيني اشجع النصر ان فاز الاتحاد
قالي الزعيم يستحق انك تراهن عليه قدام برشلونة الاسباني والا انت نسيت مباراة فالينسيا شلون عاد قدام الاتحاد وفي الرياض بعد
رجعت لأبو سلطان وقلت له انا قبلت التحدي بس مابي بي ام دبليو ابي لكزس  وياليت تجهزها من الحين لان الهلال راح يفوز 2/1 من كماتشو والشلهوب
قالي ابشر وهي جاهزه وان شاء الله تاخذها
وبعدها طلعت من الملعب في سيارته وهو اللى وصلني للبيت وبعد مانزلت تذكرت اني نسيت سيارتي هناك في الملعب
قلت اجيبها بكره الحين مالي خلق
وللحين ماجبت السيارة لاني صحيت من النوم وطلع كل الشئ هذا مجرد حلم غريب
ضحكت بعدها على اني مابي اشجع النصر حتى في الحلم (( من جد كابوس ))
كتبت كل اللى صار في ساعتها علشان ما انساه لاني مادري ليش اذا حلمت بشئ انساه على طول الشئ هذا قلت لازم اكتبه لكم يازعماء
واذا جيتوا للجد يمكن انا حلمت بالشئ هذا لاني من جد فيني خوف من مباراة الاتحاد بس ان شاء الله راح اكسب الرهان وراح اطالب محمد بن فيصل بالكزس من جد بس اذا خسرته راح اطلب من الامير فيصل بن سعود يتوسط لي عنده ويعفيني منه
يازعماء نبي الاستاد مافيه مكان فاضي تكفووووووووووووووووووووون  | 