.:[ يـومـيـات .. دحـمـانـي ]:.

يوميات منها حقيقي .. كذبي .. تلفيقي .. واقع مع الرأفة .. سمّوها اللي تبون
( تأشيرة .. هل تكون خروج نهائي )
الحين أنت يوم انك تسوق وطاير وتشوف لك هندي واقف على الخط بتوقف له والا لا ؟؟ أكيد بتقول منيب فاضي خياس << كراث والا حلبة بيترجاك يركب لو فوق التندة .. بس أنت وقف طيب لو كان مصري أو سوداني أو أياً كان .. بتصرف بأي تصريفة .. أكيد .. :biggrin:أول ما كنا نشوف هنود يسوقون ويتمشيخون على السيارات .. الحين تلقاه ماسك طارة ددسن 82 وحاط دهونهم المخيس يلمع على الراس وابتسامة عرضها مترين .. انحش عنه راكب 430 موديل 2006 ,, :بالنسبة لي مهوب من عادتي أوصل أحد مهما كان
المهم في مرة من المرارير : cool: رحت مشواااااار على خط شبه سريع لقيت واحد من ملامح خشته انه هندي يأشر على الخط واللي يشوف يده يقول واقف في طابور مدرسة .. مسيكين هالآدمي والله رحمته بس منيب موصله ويوم قربت منه وإذا أنا أسقط على واحد من بني جلدته مشخص على ددسن موديلها في الثمانينات وتعداه ولا كأنه شافه : .. لعنبو بليسك يابو هنود تلقاه ولد عمك وقف له : .. والرجال يضحك ويكلم جوال .. صدق آخر زمن cool: :لو تسافر برا وتلقى واحد سعودي من بني جلدتك من لحمك ودمك .. ويبغاك في خدمة محتاج لها .. بتفزع له والا لا .. أكيد بتفزع .. ما له بعد الله إلا أنت . هذي كرامتنا وهذي إنسانيتنا تفرض علينا .. والحمد لله ان حنا سعوديين .. ما أنتقص من حق الخليجيين والعرب شيء .. كلهم حبايب على العين والراس .. المقصد كله الدول الثانية الـ شبه إسلامية وما يسوونه مع أهل بلدهم .. وأكبر دليل القصص الكثيرة المنتشرة في الصحف ( باكستاني يقتل ابن جلدته ) . . . الخ .. cool:

( وكالة " ي ق ن " << يقولون )

" ي ق ن " وما أدراك ما " ي ق ن " << ترى مهيب لوحة سيارة
في كل مجلس .. يا فلان .. يقولون بأن كذا بيصير كوذي .. وكوذا بيصر كيذا
يا فلان .. يقولون بأن ذاك صار ذيك وذوك صار ذيكا
يا فلان .. يقولون بأن 1 + 1 بيخلونها تساوي 4 مع إعطاء الـ (2) باقي مرتباتها وإعفائها من العمل مع ان الكثير منهم يتملّكه غباء محكم في بعض الأمور التي ينقلها
ما همّه الا انه ينقل كلام وبس .. عشان لو صار صدق قالوا .. ايييييييه فلان قد قال لنا .. وان ما صار صدق .. قال أنا قلت يقولون .. << ترى هذي أشكالهم
بس ما نفع لهم الا شايب - الله يذكره بالخير – كنا في مجلس ونقز واحد وقال يا جماعة سمعتوا ان ( الموضوع الفلاني ) بيصر ( موضوع فلتاني )
قال الشايب : يا أبو فلان .. عندك اثبات على هالشيء .. قال لا والله بس " يقولون "
قال أجل تراكم صجيتونا كل يوم ناقز واحد ( يقولون – يقولون )
:

( أحمر = سكر + ضغط )

^
^
تراى عكس الألوان مقصود .. لا يجي واحد يسوي يدقق

الكل هب ودب في السوق الأسهمية والتي يجهلها كثير من المساهمين
( قال وين قال معهم ) .. ( مع الخيل يا شقرا ) .. ( حشر مع الناس عيد )
قد تسأله عن الأسهم يقول لك ما أعرف بس عطيت الدراهم واحد يدبرها ..
" يدبرها !! " هل الدراهم وظيفة يدبرها لك ..
عجباً نرى جيلاً يحملون أمراض ( السكر والضغط ) وهم في الثلاثينات من اعمارهم ,,
أسهبوا فيها نثراً .. وتغنوا بها شعراً :
غيـرك بقلبي ما فتحنا لـــــه حساب .. تعال وزع ربح سهــم التجافي
يامن ملكت السوق بشركة أحباب .. ضارب وأنا وياك ما أقول كافي
قدرك بقلبي ما نزل مثــــــل ينساب .. لا والله الا فوق مثل المصافي
حركة ارتفاع وانخفاض الأسهم يذكرني بالتمرين الأخير في الطابور الصباحي
( فوق 2 - 3 - 4 ) ( تحت - 2 - 3 - 4 ) وهكذا .. كلما ارتفعنا ارتحنا .. وكلما انخفضنا وجعتنا بطونا