هلا بابو فارس ,,,

إقتباس * أن تتفرج طوال الموسم على المدرب «المفلس» ثم تستبدله قبل البطولة الخارجية بـ 48 ساعة.

المدرب كان مقبول من الاداره , لكن هناك من طالب بإبعاده , وعندما ابعد قالو ليه التوقيت السيء ولو انتظرو الى نهاية البطوله قالو حنا قلنا لكم من اول ابعدوه ( حركات صحفيين )

إقتباس * أن تحارب النجوم وتبعدهم من النادي الواحد تلو الآخر.

( تحارب ) <== قويه هذي , المفروض تكون ليه تطبق النظام على لاعبين ( غير منضبطين ) وغير مؤهلين لأن يكونو محترفين , وبعدين ترى ما احد ابعدهم , هم رفضو وطلعو ( وإلا المطلوب يربطونهم )

إقتباس * أن يحظى عديمو الموهبة وضعيفو الامكانات المهارية والفنية بالرعاية والاهتمام والفرض على التشكيلة.

بعد هروب الغير منضبطين , وبعد التزام النجوم بالمنتخب , كان لزاما ان يكون هناك نقص بالفريق , ومن الطبيعي ان يكون فرق مستوى الاحتياط الثالث كبير عن ما تعود عليه الجمهور ,,,

إقتباس * أن تفتعل مشكلة مع أحد أعمدة الفريق قبل البطولة بثلاثة أيام تمهيداً لإبعاده نهائياً ثم تشركه في البطولة.

ياراجل , الافتعال كان منكم , اللاعب يبي فلوس , واعضاء الشرف ماعندهم , وبعدين غريبه يفتعل مشكله وفي الاخير يُشركه !!! ماتجي انت تضحك على مين ؟؟

إقتباس * أن تبعد المدافع الأساسي عقاباً له ثم تطلبه للمشاركة بعد مباراتين من البطولة.

وش حادك على المر , وهنا يبرز شيء مهم وهو ان لا وجود للمكابره والعناد , الفريق احتاج لللاعب يُفترض ان يتم عقابه , وتنازل المسؤل , واشرك اللاعب ( نقطه تسجل لك ياالمصيبيح ) طاحت بالخطأ

إقتباس * أن يكون برنامج الاستعداد للسفر على طريقة «الوعد المطار» لتفاجأ أن أحد اللاعبين لم يحضر لتسافر البعثة بدونه.

لا المفروض يمر عليه في البيت و ( يطق الكلبشات في يدينه ) ويسحبه معه لتونس

إقتباس * أن تسمح لقائد الفريق بالغياب عن التدريبات والسفر لتصوير إعلانات تجارية ويغيب عن اللقاءات الأولى في البطولة.

ويغيب عن اللقاءات الاولى ويفوز الفريق , ويلعب النهائيه ويخسر الفريق

إقتباس * أن تمنح شارة قيادة الفريق لأسوأ لاعب في الفريق رغم وجود لاعبين كبار مستوى وتاريخاً وعمراً بمن فيهم عميد لاعبي العالم.

هذي حتى لو لها رد ماني قايله في ذي انت صح

إقتباس * أن تقدّم عرضاً لأحد لاعبي الفريق المنافس «العاديين» بمليون ريال وتوقِّع عقودا مع لاعبيك المحترفين بوعد إعطائهم مقدم عقد ثم تعطيهم عرض أكتافك.

ما كأنك فضحت اعضاء الشرف ؟؟ ليش ماتصير بطل وتقول وين دعمكم يااعضاء الشرف ؟؟ وإلا ما تقدر عليهم ؟؟ , ويمكن مالك نيه !!!

إقتباس * أن يعيش الفريق طوال فترة الإعداد والبطولة بلا اهتمام أو متابعة قريبة وشخصية من رئيس النادي أو نائبه أو أي شخصية قيادية مؤثرة.

ويعيش حرب شرسه من اعلام ( يفترض انه اعلام داعم ) !!!! ( البعير ما يشوف عوج رقبته )

إقتباس * أن تشرك لاعباً أجنبيا وتعتمد عليه في التسجيل بعد تجميده وإبعاده عن المباريات لأكثر من شهرين.

هذي الله يسلمك حشو , هبوط المستوى كان واضح على الاغلبيه بمافيهم اللي لهم سنه يشاركون في مباريات كبيره ,

إقتباس وبعد أن تتبع هذه الخطوات الأحد عشر عزيزي الإداري وتطبقها بحذافيرها، هذا وجهي إن أخذت بطولة اليوم أو غداً محلية أو خارجية. وعلى فكرة هذه الخطوات والنصائح للأمانة ولحفظ الحقوق الفكرية ليست لي ولكنها نتاج فكر نيّر لإداري فذ وجهبذ أصلح الله شأننا وشأنه.

الله يصلح شأننا وشأنك , انت يالهدلق شهادتك مجروحه في المصيبيح , وبعدين هذا وجهي انا , اذا اخذ الفريق بطوله وهو يطالع لإنتقادات من هالنوع , وهذا وجهي ان استمر الفريق بطل وهو يتابع مشاكل من هالنوع ,,,,,

الله يرحم حال الهلال !!!!!!!!!!!