سلام يا زعماء ..

صراحة أنا متعود قبل المباريات الحاسمة إني أشوف في المنام النتيجة .. وأكثر من مرة تصيب ..

على كل حال أنا البارح شفت إن الهلال متقدم بـ 6 أهداف !! طبعاً كبيرة صح ؟

بس بعد لحظات شفت إن الرقم : 11 موب 6 !!

بس ماني متأكد إن 11 هو عدد الأهداف أو شي ثاني ..

طبعاً أنا بعطيكم التحليل إلي انطبع في ذهني عن الحلم إلي شفته :

النتيجة إما فوز الهلال بـ 6 أهداف ..

أو يكون مجموع أهداف اللقاء 6 لكن أيضاً بفوز الهلال ..

هذي قصة رقم 6

أما رقم 11 فأتوقع إما أن الهلال يظل كامل ويحصل طرد في فريق الأهلي ..

أو بيكون مجموع أهداف اللقاء 11 طبعاً هذا وارد فيما لو وصلت المبارات لركلات الترجيح ( الله لا يجيبها )

أو يسجل أحد الفريقين هدف في الدقيقة 11 ..

أو يكون لرقم 11 من الهلال ( نواف التمياط ) تأثير في الأهداف ..

يا إخوان لحد يلومني ،، هذي مجرد رؤيا ..

وأنا ما حرصت على كتابتها إلا لما شفت إن أكثر أحلامي في النتائج تتحقق 100 % .

مثلاً :

الاتحاد والعين الإماراتي .. شفت إنها 4 / 1 للاتحاد .. وفجأة جاء بلنتي للعين وقمت من النوم ومدري جابوه ولالا ..
وفعلا انتهت 4 / 2 والهدف الثاني من بلنتي ..

تحسفت وقتها ليتني مبشرهم يمكن أحصل على البشارة

المهم .....

إذا كان توقعي صح 100 % ترا بكتب رقم حسابي عشان تودعون لي البشارة

وإذا فيه نسبة كبيرة من الصواب لا تنسوني من الدعاء عشان بشرتكم

وإذا خطأ 100 % ( الله يستر ) : لا تلوموني عاد ترا هذا من الحلم موب مني

أقول :::::::::::

برجع بعد المباراة ( هذا إذا كان التوقع صحيح ) ..

لكن الوكاد الوكاد إن فيه سر يتعلق برقم : 6 ورقم : 11

للأمانة والتوثيق وحفظ الحقوق :

باقي ع المباراة من الحين : 3 ساعات تقريباً

ااااااااااااااااالله يستر


على فكرة : تراني جاد مانيب أمزح .