هذه القصيده المؤثره كتبها بيده الاسير السعودي فيصل مناع السلمي المحتجز لدى دولة الكفر امريكا كتبها الى اهله والى كل سعودي وكل مسلم عنده نخوه ... لانملك الا نقول اللهم فك اسره اللهم فك اسره .. امين



لمن الشكوى



ابشكى على اللى عالم الغيب والاسرار *** وشكوى لغير الله يذل العزيز ابها

عليم حكيم امقدياً خطوة المحتار *** اذا شاف من سود الليالي عجايبها

اذا ايس من الدنيا وشوف الاهل والدار *** وقال اللقاء في جنة الخلد كان ابها

وتمنى بعد موته لذاك الوطن يختار *** وتنعم ضلوعه بالدفا من نصائبها

وقال الله اكبر كيف سوت بي الاقدار *** بعد عزة كانت عذابٍ مشاربها

وانا اللي نهض من موطنه نهضت الاحرار *** ونوخ على مر المشارب ركايبها

تغرب من اجل العلم واستسهل الاخطار *** وضلا عباب الجو يرقا مناكبها

الايارسول الخير يا موصل الاخبار *** توصل سلامي دار عز ربيت ابها

بلادٍ بها قبلة رسول الله المختار *** ومختارها ربٍ مسير كواكبها

سلامي على من فوق طاهر ثراها سار *** على كل فرد من شباب وشايبها

وعلى كل من في قبورها ما عدا الكفار *** عدد ما على ارض الله هبت هبايبها

سلام الاسير اللي بلاذنب راح اجهار *** وفي قبر الاحياء جفن عينه محاربها


منقول /منتدى اكثم