السلام عليكم ورحمة الله

ياهلاليين وش ترجون ورا فريق رئيسه مهوب لمه وكل ماطق عود حصاه قال وين قال أعمال خاصه ، يأخي أترك هلالنا في حاله وتفرغ لشغلك، والا هاللي صاير مهزله وخزي وعار.

والبلى والله مهوب من الرئيس البلاء من هاللي ينافقونه في الأعلام وفي منتديات الأزرق والا والله أنه من جاء والهلال من جرف لدحديره ولاهيب كل مره تبي تبيض له في القفص ويجيب اللاعبين بطللوله هم يطلع علينا شلة حسب الله تمدح لي فس سعود بن تركي وقال أيش أن فيه ميزه أخلاق وذوق يأحواني هو قد رأس الهلال الا اخل الاخلاق والذوق يعني بصراحة مهيب ميزة يطبلونه له عليها ثم الاخلاق ياخي لنفسه والا الاداره فن مهيب صفصفة حكي والا قولي لي وينه هالحين والله لو تدرون ان تطق كبودكم مثل ماطقة كبود اللي عرفوا وينه.

ثم هالعومه المسعري ورا مايشوتونه بوز الهدفين من عنده الله يريح الهلال منه لأن مافيه امل يجي الهلال مدير صاحي والا مدرب صاحي والا مثل هذا والله مايلعب في فريق حاره مهوب الأزرق ثم هالنزهان هاللي يوطي الكور ورا مايلحقونه المسعري بوز ومع الباب.

(الغالي أبومحمد فهد المصيبيح بالله عليك ايها المجترم ارحل فقبل هذه البطوله وانا اظن ان كل من خالفك مخطىء لكن الان بدأت ثقتي فيك تتزعزع ويعلم الله انه من تقديري لك ولتاريخك ولكل ماقدمت للهلال ارجو ان تترك موقعك هذا وان تتيح الفرصه لغيرك واعذرني على هذا الطلب.
أخوك المخلص أبوعبدالرحمن)