ابشركم ابشركم اختباري كان زفت ولله الحمد

اسئلة الحساب والرياضيات حط واشخط ولون ماعندك احد

واسئلة التناظر اللفظي الحمد لله حليت بها زين ,, وانا سويت طريقة يمكن تنفعكم ان شاء الله

الوقت كما هو معروف 25 دقيقه لكل قسم وبعضها يكون 26 او 22 دقيقه

حاول تكون خلصت الاسئلة قبل 5 دقايق من الوقت المخصص وتترك الــ 5 دقايق الباقيه للمراجعه لان بصراحه مثل ما صار معي المراجعه تفيدك كثيرر

عاد تقولي وشلون تعرف بقي 5 دقايق من الوقت بقولك في مل النغمه او شبه الموسيقى تنبه للوقت وبعدها يمسك الدكتور المكرفون ويقول ترى بقي 5 دقايق للانتقال للقسم الاخر ,,

هذي طريقة نفعتني لاني صححت اغلاط كثيررة

اما سؤال العمر واللي ابوه ضعف عمره ثلاث مرات ومدري وشو هذا جاني وتصدقون اني قريته قبل الاختبار علشان تسذا انصحكم تقرون كتاب التدريب ,,

انا دخلت لقاعه الاختبار الساعه 7 المغرب ويوم اذن العشا الساعه 7.30 طلعونا نصلي في صالة مجاورة وبدينا الاختبار تقريبا الساعه 8.30 وخلصنا الساعه 11.30 ,, ماصدقت يوم قالوا خلص الوقت المخصص للقسم السادس من زود الجووع اللي فيني خخخخخ

ادري اني طولت بس حبيت اوضح لكم الصورة العامة للاختبار ,,

اختباري كان في جامعه الامام في الفترة المسائية يوم الاثنين ....

دمتم سالمين