السلام عليكم ورحمة الله وبركاته
هلا بكم أصدقائي الإلكترونيين في كل مكان ...
أكتب لكم الموضوع وأنا خام المركأ حزناُ على حال زعيمنا ...
ودي أقول الزعيم خانته الظروف ... وأرهقه وطنه ... بس كهلالي مايرضين أتحجج عشان هزيمة ...
لكن .. بتحجج هالمرة
مواضيع طرحت ... ماودي أكرر المواضيع وأقعد أقطع بكندينيو .... لأن ((
الضرب في الميت حرام ))
لكن بضرب بالميت لين أطلع اللي بقلبي
كندينيو ... وآه ياكم كرهت حروف الكاف والنون وأي حرف باسمه .. إلا حرف الياء
انقلب حال الزعيم ... صار أي واحد يبي ثلاث نقاط يجي العريجاء
تجريب لاعبين .. كل يوم طالعن لي بتشكيلة .... بقى الدعيع يلعب وسط أيسر والشلهوب حارس وسامي قلب دفاع ..
بعدما كنت أراهن على الزعيم خارج أرضه ... صرت ألتزم الصمت وهو يلعب باستاد الملك فهد ....
بعدما كنت أوقف مع كل هجمة هلالية ... صرت أمسك راسي مع كل هجمة ضد الهلال ....
وصرت أقول مثل ماقال الفنان أبو عذاب .. ((
وش السااااااااااااالفة يبووو )) ؟؟
كندينو حسبي الله عليك نسيتي أربع بطولات الموسم اللي راح ...
باكيتا راح ...,,... والمستوى راح ...,,... والهلال باااااااح
باكيتا صنعمن الهلال قوة ضاربة في كل خطوطه ...
مرة يسجل من كرات ثابتة ... مرة من كرات هوائية ... مرة من الاطراف ... مرة من العمق ...
دفاع ولا أروع ... أعاد صياغة خالد عزيز .... رجع هيبة الهلال .....
وخلال شهر واحد ... تمت عملية هدم للهلال بقيادة المبدع خيّاط كندنيو ....
هزيمة من فريق العين وبمستوى فاشل ...,,... مستوى هزيل بعض النظر عن اجتهادات الفتى الذهبي في مباراة الاتحاد
كندينيو رحيله حل ..... لكن تبقى المشكلة ......
وهي من يعيد للهلال ما أفسده كندينيو .......
قريت مواضيع تطالب بمدربين ..... بصراحة سجلهم التدريبي ممتاز
لكن ماراح يغيرون شي من واقع الهلال .... لأن الهلال ظروفه غير طبيعية ......
الهلال محتاج مدرب يعرف الدوري السعودي ومتابع له .....
ومافيه مثل المدرب الوطني لأكمال المسيرة لين يرجع شوي من الهلال ... ساعتها جيب مدرب
أما تجيب لي مدرب عالمي ... مايعرف عن الهلال ولا عن مستويات لاعبيه شي ... هذي مصيبة
بيقعد يجرب حاله حال غيره ...
وكلنا نذكر باكيتا أول ماجاء .... كان يقدم مستويات هزيلة جدا .... لكن مع الوقت صار يقدم أكثر وأكثر ...
نقطة أخيرة :
وش نسوي عشان نشوف الجمعان يلعب في هجومنا ؟؟؟؟
كيف نوصل لكم أصواتنا ان الجمعان وجوده ضروري ...!!
قد نكون جمهور ونظرتنا عاطفية ... لكن تابعنا كرة القدم سنين ... يعني عندنا شوي خبرة قسم
الجمعان نجم كبير .... يسجل لك من كرات ثابتة ومن كرات متحركة ... يسجل بالرأس وبالرجل ...
صنع أكثر من هدف ...
خسااااااارة بس ......
موضوعي كله ببرد قلبي ..... وبريح ضميري
وآسف عالإطالة .... وأشكركم على المرور مقدما ....
أخوك في الله ابوساري .. تقبل التبرعات على حساب رقم 34443566
.. ياحبي لكم بعد
نشوفكم على خير ........ وتمنياتي للزعيم بالتوفيق .....
أبوساري
