السلام عليكم ..


استغرب اصرار المدرب ( الفلته ) كاندينيو على الاهتمام بياسر الياس .. واستغرب الكثير من الاعضاء اللي يؤيدون
رجوع ياسر الياس التشكيله .. هاللاعب والله ماهوب بمستوى الهلال ابدا .. اللاعب ياسر الياس لاهوب هجومي ولاهوب
دفاعي .. اتحدى اي واحد يقول ان ياسر الياس يملك مهاراة تخطي الخصم .. واتحدى واحد يقولي ياسر مدافع جيد
في الظهير الايمن .. والدليل شفنا هدفين الاهلي جت بسبب من .. !!!

الادارة الهلاليه ماهيب عمياء ... اعتقد ان الفرصه الي اخذها ياسر الياس ماخذاها احد قبله بالظهير الايمين .. ولاشفنا
منه شي جديد .. او مهااره تستحق ان الواحد يطالب باعطائه الفرصه مجددا .. واستغرب من النكبه كاندينيو اصراره على
الجلوس مع ياسر الياس ومصارحته مره ثانيه مثل ماقرينا اليوم .. طيب ياكاندينو انت اكتشفت ياسر الياس فعليا في
مباراة الهلال والاهلي وشوله تجلس معه على بالك مصارحه وتبي ترده للتشكيله وترفض الرهيب ؟؟؟

نقطتين يجب الا تغفل عنها الادارة الهلاليه ..

الاولى : كاندينيو اصبح مدرب مفلس .. ومافيه منه اي فايده .. قرائته للمباريات اصبحت قرائه قديمه جدا من عام 90
ميلادي لم يتطور الفكر الكروي عند هذا المدرب .. اعجبني اصراره على العنبر في كثير من المباريات عشان يصقل
موهبته .. غير كذا والله ماعنده ماعند جدتي .. واللي تابع مباريات الهلال الماضيه يعرف افتقار كاندينيو للحس الكروي
المتطور .. بقائه على تغيرات ثابته ماعرف ليش .. اصراره على قتل خالد عزيز في الجهه اليمنى .. رغم ان المعروف ان
خالد عزير متمكن في المحور بشكل خيالي ... والي اموت واعرف ليش كاندينيو يسويه .. هو تغيره للهليل ووضعه في
المحور .. معقوله الهليل يلعب بالمحور ؟؟ ترى الى الان مالعبنا قدام فرق كبيره وقويه وكل الفرق الي لعبنا معها
ماتجي بمستوى الهلال ابد .. شوفو مباارة الهلال والاتحاد يوم الجمعه .. بوجود دولي الاتحاد والهلال .. واحكمو على
كاندينيو .. وصدقوني راح تعرفو نان كاندينيو مفلس وماعنده شي جديد يقدمه للفريق الهلال ..

النقطه الثانيه : ماعرف هل قلت حواري الرياض ؟؟ ولا قلو المكتشفين للاعبين ؟؟ لو بنزل حواري الرياض وبشوف
كم ضهير ايمن يلعبون واطلق من مليون احمد الدوخي والله لاطلع بالهبل .. ليش الادارة تصرف الملايين على هالخانه ؟؟
ماعرف ليش قلو مكتشفي المواهب بالهلال .. ولااعرف هل اصبح الهلال نادي مستورد للاعبين بعد ماكان اول مصدر ؟؟
معقوله الهلال ماقدر يطلع الا ( واحد بس ) اسمه احمد الدوخي ؟؟ مستعد انزل حواري الرياض لو ادارتنا متعاجزه واجيب
لهم عشرين الف لاعب بمركز الظهير الايمن ... ولا الواسطه غلبت على ادارريي نادي الهلال واللي ذقت انا مرارتها بعد
مارحت اتمرن معهم والحمدلله اثق في امكانياتي لابعد درجه وابعدوني حتى بدون اتمرن !!! هل هذا الهلال هو الفريق
اللي نسمع عنه انه مكتشف المواهب ؟؟ لو قدر الله وتدمرت الموهبه الي املكها او يملكها غيري من المسوؤل ؟؟

ادارريي الهلال ؟؟

اختصار هالنقطه .. ابعاد ياسر الياس وجلب غيره باسرع وقت لان ياسر الياس ثغره واضحه في الدفاع الهلالي ..


مع التحية ..