| ياشباب أذكروا الله
أول شئ طلع عزيز لأنه أخذ كرت ولو كمل كم دقيقه بعد كان أنطرد والله ستر عاى كامل الموسى .
ثاني شئ كل لاعبين الهلال متنرفزين وكل واحد نفسه براس خشمه وبعدين إعتراضات على الحكم على قلة سنع .
من ناحية النرفزة أول مرة أشوف الهلال كذا وحتى سامي متنرفز أول مرة أشوفه كذا .
الدعيع هو اللي لعب من الهلال وكماتشو كأني أحس فيه مرتفع ضغطه بصراحه أنا أشوفه مجتهد لكن محد ساعده وكذلك عمر الغامدي كان شاد حيله بس بدون تركيز لأنه لقى ناس توقف ضده بدون لايلقى دعم من أحد .
ما أنسى تفاريس مع إنهم مشوا عليه الهدف الثاني .
ياسر والصويلح ماسووا شئ نهائي .
كامل الموسى فكه الله من الطرد وهنا علامة إستفهام ليش كندينيو مالعب بالخثران ظهير دولي وعنده خبره ورجال حرك بالعربي ولا يهون كامل لأنه خامه جيده بس يبيله إحتكاك ترى توه جاي من الوحدة !!!!!!!!!
كندينيو يالربع ترى ماهو على خبركم الظاهر إنه مخرف ولا شئ من هالقبيل الرجال تعدى الستين !!!!!!!!!!
ترى مو بس اللاعبين اللي ينتهون ترى حتى المدربين .
لاتحسبوني هنا ألمح إنا محتاجين لباكيتا لا والله إلا أبركها من ساعه يوم إنه راح للمنتخب لأنا نبي مدرب يعرف شلون يوظف إمكانيات اللاعبين اللي عنده الموسم اللي راح بغى يجيب فينا العيد قدام الشباب الضعيف والإتحاديين بلعبه البارد اللي يميل للدفاع .
ترى عندنا لاعبين والله ماهم سهلين بس المدربين قاعدين على قلوبهم لين ينهونهم .
وبالأخير اقول الله يعينا على الجاي .  | 