إقتباس الرسالة الأصلية كتبت بواسطة Soccer Maker انت من يوم ماعرفتك وانت تسب الدوري الأنجليزي ! وبعدين تراك تقهرني يوم تقول انه فاشل .. بالله قولي ايش الفشل اللي تتكلم عنه ؟ انا اجزم انك ماقد شفت مباراة في الدوري الأنجليزي وقاعد تسبه مع الريح .. يكفي انه احسن دوري في العالم حاليا .. وخلاص تراك ازعجتنا كل موضوع تجيب فيه طاري الدوري الأنجليزي وتسبسب فيه مادري وش هدفك باللي تسويه واحترم محبينه في المنتدى وانا منهم ..

اولا واجب علي احترمك انت وغيرك او اي كان اعرفه او لم اعرفه وانا اذا شفت مني مايضايقك تراني آسف واعتذر لك قدام الجميع

اما بالنسبه لأستفسارك ليش اكره الدوري الانجليزي وليش انه حاطينه اقوى دوري بالعالم بقوللك بس اتمنى انك ماتتحيز وتفكر بكل كلمة اقولها

اولا : دوري مافيه مهارات ,,, يعني متعه مافيه وهنا لا أحصر المتعه بالمهارات فقط المتعه لها عوامل

ثانيا : دوري مافيه دفاع يعني ضعيف دفاعيا ,, لاتقولي لأنه يعتمد على الهجوم حتى لو اعتمد الدوري على الهجوم المفروض انه يكون صلب دفاعيا

ثالثا : دوري مافيه مدربين بأستثناء واحد ولا ثنين عكس الايطالي الايطالي المدرب يلعب دور كبير بإختصار ( الدوري الايطالي دوري مدربين ) فيه تكتيك

رابعا : دوري يكون الفرق بين المتصدر والثاني عشرين نقطه ؟؟؟؟؟؟؟؟؟؟؟؟؟؟؟؟؟

خامسا : مافيه تكتيك مافيه تسحيب مافيه فن وابداع كلله شوت ودفاع خرابيط وحراس قسم بالله اني اشوفهم واضحك عليهم اقسم بالله هذاني احلف

سادسا : ترى الإعلام يعطي دور كبير واقرب مثال شف الدوري الإماراتي

سابعا : هات لي انجليزي احترف بإيطاليا ونجح على مر التاريخ انا بعلمك اسطورتهم بول انس احترف بالدوري الايطالي تدري انه قعد موسم وكل هالموسم الصحافه وش يحطونه اسبوعيا ؟! كانوا يحطونه حمار الاسبوع الله يكرمك ويكرم من يقرأ ,, فشل في ايطاليا فشل ذريع

ثامنا : لهم نفوذ بالفيفا عشان كذا شفتهم حاطين دوريهم احسن دوري بالعالم وعلى فكره مااخذها الا هالسنه يعني

تاسعا : يكفيك كلمة جوزيف بلاتر ( اعطوني جدول الدوري الانجليزي احدد لكم النتائج )

عاشرا واخيرا : تشجيعهم يجيب المرض وهذي عوامل فشل الدوري ,, يبي لهم درس بميلانو ولا بروما

اتمنى اخوي اني وضحة وجهة نظري وهذي مجرد وجهة نظر واحب اعتذر لك مره ثانيه اذا ضايقتك بشي بالتوفيق للجميع