السلامو عليكم
اول شي المباراه كانت بين من ومن؟
لاتقولين لي تقصدون مباراة المنتخب والبرتغال؟
اجل وش دخل الهلال والاتحاد الحين؟
ياجماعه اذا كان فيه ناس صغار سن ومالهم في هالسوالف والتعمق فيها
ياليت تكون مشاركاتهم شكراً ويعطيك العافيه
بعيد عن الاضافه على الموضووع او اضافة موضووع
المنتخب على مشارف مشاركه عالميه
والكل متأكد اننا نلعب مع البرتغال بنجومه
شي طبيعي انهم بيضغطون وانهم افضل حتى لو كنا في احسن حالتنا
يعني زبدة الكلام التريث والصبر
اما يجيني واحد تو شنبه خاط البارح ويتكلم كلام مايدري وشهو
والله شي محزن وماله داعي في نفس الوقت
يعني من وجهة نظري الشخصيه
ان تكر امس بالمباراه افضل من لعب
وكان افضل لاعبين المنتخب لكن بعد الدعيع وكذالك نواف
يعني اشباه او اشبح اللاعبين الي كانو موجودين مثل ساكس والشلهوب وكريري ونور
وخالد عزيز نوعاً ما
هذولا لاي ودك تكلم عليهم لاعبين ماهم مبتدئين كحال مسعد علشان يرتبكون
لاعبين خبره ولهم في هالمواجهات الكثير
لكن طغى عليهم الخوف والرهبه
عموماً ماودي اطلع من الموضووع
لكن مسالة ان تكر تصرفه خاطىء اقوولك التصرف جداً طبيعي في اي مباراه وبالعكس
تصرفه جميل جداً
وللامانه تكر اذا في هالايام بيطور مستواه بيكون اساسي في المونديال
وهذا الي نبيه لاحظ الفارق الجسامني البارح بين لاعبين المنتخب والبرتغال
ناهيك عن المانيا او منتخبات الدول الاسكندنافيه الجلووف
عزيز صاحب الموضووع واغلبية الي ردوا
اذا جا وقت المنتخب
بليز انسوا الميووول
البارح وقت المباراه
اول مادخل الحارثي دق علي واحد نصراوي قالي شفت كحيلان دخل موهب شايبكم
والله قالي هالكلام دريت ان العقليه الرياضيه عندنا في الحضيض
وزاد الطين بله موضووعك
تذكر دايم ان تكر وسامي والمنتشري ونواف والشلهوب وكريري كلهم يخدمون الوطن بغض النظر عن ميوولهم
لابد ان يكون لنا وقفه معهم وليس ضدهم
لاتستعجل بالحكم على مشاركتي لكن فكر فيها بعقلانيه وتلقى كلامي عين الصواب
شوكرن خيوو على موضووعك الي مدري وش يبي لكن
انا قلت رايي مثل مانت وغيرك قال رايه
