السلام عليكم ورحمة الله وبركاته
نعم إن منتدى الزعيم الاقتصادي في خطر وأنا أحد سكان هذا المنتدى وجايكم أبي الفزعه
بالله وش رايكم في السوق هذه الايام (( مسخره والله مسخره لكن حسبنا الله على كل ظالم ))
:: السوق في توقعي سيرجع إلى ايام زمان 10000 نقطه والله العالم
الزبده ... السوق نازل يعني متعلقين والمشكله أن صاحب المنتدى (( سلام يا هلال ))
كل يوم يطق علينا الباب بعد الفجر (( وين الأجار أبي فلوسي أبي فلوسي ))
وطبعا أنا طالع عليه مسكين تعرفون توي صاحي من النوم والدور علي أحلل السوق (( أصلا السوق نازل ما يحتاج
تحليل )) وأقول يا اخي يجي الله بالخير اصبر علينا كم يوم وان شاء الله نسدد وعمرنا ما تأخرنا بالاجار اصبر علينا
هالمره وطبعا ما عنده الا هالرد (( أبي فلوسي أبي حلالي ولا تبون تسكنون بلاش ))
المهم أرجع و أصحي الشباب وعى راسهم هلالي vip اللي جالس يشخر ويقول وهو نايم (( سوقكم اخضر مع المحلل
الكبير هلالي vip ))
المهم يا شباب بكره راح يفصل علينا الكهرباء في المنتدى ونصير مثل منتدى الاتحاد اللي مقطوع عنهم الكهرباء من
زمان وإلا نعيش على ولاعه مثل منتدى النصر ..
طبعا أنا بصراحه مدبر نفسي ومتعرف على شباب ساكنين في منتدى الاقتراحات بس المشكله باقي الشباب يا حرام وين
ينامون ..(( كل منك يا سلام يا هلال ))
وبصراحه يا شباب أنا حاسب حساب أن فيه ناس بيقولون مكان هذا الموضوع المنتدى الاقتصادي وأنا أقول لا هنا
مكانه لان عدد الزوار هنا اكتر ..
فارجوا من الزوار الدعاء لكل مسلم متعلق في السوق إن الله يفرج عليه ولا يخسره .
تحياتي لكم وللأخ الكبير سلام يا هلال وأبي اقول له ترى المسأله مزح وفرفشه (( وش تبي من واحد خسران نص اللي
عنده)) وأرجو أن تتقبلها بروح اقتصاديه وللعلم فالاخ سلام يا هلال من اطيب الناس و احرصهم على أعضاء المنتدى فله
كل الشكر والعرفان على كل ما يقدمه لنا ..
والاخ هلالي vip أيضا المسأله مزح وفرفشه وعلى فكره انا من المعجبين بتحليلك للسوق ..
أشكركم ولا تنسون الدعاء .. مع السلامه
أخوكم HKFUPM
((هامور خسران راس ماله))