البلوي ونواف... وكسر شوكة الهلال....
بسم الله الرحمن الرحيم
جميعنا تابع برنامج صدى الملاعب الذي كان يستضيف منصور البلوي وتحدث منصور عن مفاجئه سيقوم باهدائها اى جمهور ناديه وهي عباره عن لاعب كبير من المنطقه الوسطى !!
فلو صدقت التوقعات والاعب الذي سينتقل هو لاعبنا نواف التمياط فعلى هلالنا السلام
اذا انتقل نواف للاتحاد فسيثبت البلوي انه كاسر شوكة الهلال بلا منازع وهو الوحيد الذي لانقدر عليه البلوي اخذ من قبل خميس العويران وحنا كنا في امس الحاجه لمحور وجلسنا تقريبا سنيتن ضايعين في مركز المحور لين مااشترينا لاعب ب 12 مليون وهو الغنام وطبعا مايجي نصف مستوى خميس ذيك الايام يعني خسنرنا تقريبا 11 مليون علشان ماندفع للاعب مليون لا والمصيبه الكبرى اخذه فريق منافس .
والمره الثانيه وهي الداهيه الاكبر عندما خطف احمد الدوخي وحنا نتفرج كان الموضوع لايعنينا
لا احد يقول الدوخي هو مايبي الهلال لا والف لا الدوخي كلاعب محترف يبغى يامن مستقبله وطلب مبلغ للتجديد ولكن استكثرنا على افضل ظهير ايمن في الوطن العربي مبلغ نصف مليون زياده والان نحن نقطة الضعف في الفريق المركز الظهير الايمن لااحد يقولي الياس غطى على الدوخي اللي يقول مايفهم شي بالكورره لان الدوخي مايغطيه الا الدوخي ويكفي معانده ولازم نعترف اننا اخطانا في التفريط في حجم لاعب كبير كالدوخي والمصيبه الاكبر انه ذهب للفريق الوحيد الذي ينافس الهلال على البطولات الاسيويه والمحليه يعني لو راح الاهلي او الشباب كان ممكن تعدي لكن يروح للفريق المنافس ماادري ايش هالتصرف الغريب لا والمشكله الاتحاد كان يعاني من مركز الظهير يعني حنا ساعدناهم على حل مشكلتهم ونحن اصبحنا بمشكله .
والخوف كل الخوف من انتقال الفتى الذهبي نواااف التمياط وايضا للفريق المنافس لااحد يقولي ابو سلطان موجود اقله وين ابو سلطان يوم انتقل الدوخي ولا احد يجي يقول الهلال منبع للنجوم نعم كلامك صحيح ولكن متى سننتج لاعبين امثال نواف والدوخي وخميس والله يستر من الشلهوب وخالد عزيز ؟؟؟
اتمنى من الاداره سرعت التعاقد حاليا مع نواف باي مبلغ يطلبه لانه يستاااااااااااااهل مانبي نتحسر عليه كما تحسرنا على اللي قبله الى الان ونحن محترقه قلوبنا على الدوخي واتحدى اي هلالي يقدر يقول لا ..
على العموم اتمنى ان لايطعننا منصور البلوي كالعاده فالطعنه الثالثه مميته والله يستر ؟؟
