يا جماهير الزعيم ،،، هذا الهلال ؟؟؟ وليس الدنمارك ،،،
بعد السلام ،،،
أحب أن أبارك للهلاليين الوصول لنهائي ولي العهد ،،
وأبارك لهم الكأس مقدماً كوننا تعودنا الفوز على الأهلي بالأربعات ،،،
لكن ،،،
لكن عتبي على الجماهير التي تريد البطولات و لا تحضر لمؤازرة اللاعبين ،،،
يا ناس هذا الهلال مو الدنمارك ،،،
وين الجماهير اللي ملئت أستاد الملك في مباراة إعتزال أبو يعقوب ،،،
وين جماهير الهلال اللي ما تصدق تلاقي مباراة في الرياض عشان تملاء الملعب ،،،
(أنا معكم إذا قلتوا هذيك أيام الثنيان ووو..)
بس هذا الهلال مو قضية اللاعب فلان ولا علان ،،،
---------------
بس شباب فيه خبر يقول أن مباريات الهلال القادمه كلها بأستاد الملك ،،،
وش بنسوي إذا ملعب الملز ولا كأن أحد حاضر ،،
وش بيصير الأستاد ،،،
نبي جمهور الزعيييييييييييييم المعروف ،،،
أنا ما ألوم أبو سلطان إذا قال أي شيء في الجماهير ،،،
صدق إحباط والله إحباط ،،،
يا خي قضية البرد مهيب قضية ،،،
راس مالها فروة ولا جاكيت و طق أم اللطمة و أنس العالم والبرد ،،،
شباب بيضوا وجه الهلال مثل ما بيضتوا وجه أبو يعقوب يوم إعتزاله تكفون ،،،
و أخيراً أقول يعطيكم العافية وما قصرتوا اللي قريتوا الموضوع ،،
و أتمنى لي ولكم و للزعيم التوفيق والنجاح ،،
والسلام ،،
 | 