أول شي أبارك لجماهير اليوفي هالفوز...ثاني شي بقول أن عمره التحكيم ماكان سبب في خسارة فريق ألا في مباريات تعد على الأصابع على مر التاريخ

بتقولون والله الهدف مو صحيح ولا البلنتي ما أحتسب...بقول أنه الفريق اللي يستحق الفوز و يهجم ما راح يمنعه خطأ تحكيمي و ما راح يكلف فريق ثلاث نقاط تسلل غير محتسب ولا ضربة جزاء ظالمة

الأخطاء التحكيمية موجودة في كل مباراة و اللي يقول أن اليوفي فاز بالدوري بسبب التحكيم هذا ماعنده سالفه
فريق يلعب 19 مباراة و ماخسر ألا 4 نقاط هذا يستاهل الدوري و فوقه بوسة

طبعاً أنا ما أشجع اليوفي...واليوم كنت أتمنى الأنتر يفوز مع أني أشجع ميلان عشان يرجع الحماس للدوري
لكن الحق ينقال...اليوفي هالسنة أفضل من الأنتر و أفضل من الميلان لكن تعصب بعض الشباب الله يهديهم ينسيهم الحقيقة...

أنا أقول الواحد أهم شي يستمتع بالكورة و يخلي التعصب...يعني مع أني كنت قاعد أشجع الأنتر و من جد تمنيت أنه يفوز لكن بصراحة المباراة كانت ممتعه يعني فيها أهداف حلوة و حماس

أتمنى محد يزعل من كلامي ولا ياخذه على أني ضد فريقه