| اما من ناحيتي انا فهي قصة طويله.
العائلة كلها متدشدين تثراويين سابقا .... متقاعدين وضايقة صدورهم حاليا .......
المهم ... الا واحد من عيال عمتي (( لاعب هلالي سابق )) كان عمري ذيك الايام 8 سنوات .... كل ماجيت اسلم عليه يقولي وش تشجع اقوله ابوي يقولي قل نصر .... ويقولي وش تبي في النصر .... اقوله مدري ..... يقولي طيب لما تناظر فوق وش اللي يعور عيونك الشمس مع السماء والا السماء مع النجوم ... اقوله الشمس مع السماء ثمن يقولي الشمس والسماء النصر .. وقوله طيب من السماء مع النجوم يقولي الهلال ... وعلى ه الحال لين جاء يوم وقالي ابوي وهو متفاخر بمجد سوف يزول قدام عماني جاكم النصراوي قلته وانا ارتجف لا انا احب الهلال .. وتقلبت عيونه وتغير وجه .. ومن بعدها اشتعلت الحرب في البيت الوالد من جه وانا من جه ثانية ..... وبعد 17 سنة من الحرب انتصرت انا بحيث اصبح البيت كله هلاليين الا هو صار يشجع المنتخب ......
اخر تعديل كان بواسطة » al7keem في يوم » 20/02/2002 عند الساعة » 01:24 AM | 