شف وأنا أخوك 00
أنا عارف إني ماراح أجيب أي جديد 00
يعني لو ابمدح فيك إلين يذن الصبح ماسويت شي 00
كل الكلام اللي ودي أقوله قالوه أكثر الشباب 00
بس من جد والله يا ابو ساره ماش ماطاوعني قلبي ودي أقولها لك 00
أنت رائع 00 رااااائع إلى أبعد حد 00
أسلوب ساخر وجميل ومفهوم ومرتب 00 يعني تنجرع 00 الله لا يضرك
خفة دم محصلتش 00 دمك شربااااااات ياولد
ومن كثر مناب معجبن بك 00
ودي أهمس في أذينك ببعض الكليمات 00
شف يالحبيب 00
هاااااه معي والا لا 00
أوكي طيب اسمع 00
حاول قدر المستطاع إنك تحافظ على هالمستوى اللي وصلت له 00
خلك على هالوزنية 00
يعني إصلب الدركسون 00 واعدل المرايه 00
بمعنى آخر إزبط وزنية الملح 00 لاتقلل ملحك ويصير غدانا خانس !!
ولايزود الملح فتحوس عشانا 00
تذكر دايما إن الوصول سهل 00 بس من يقدر يحافظ على القمة 00
على فكره فيه شيء ثاني من جد يقرقع في قليبي وودي أقول 00
بس تقل إني مستحي وخايف تقول وش يبي ذا 00
بس مابدهاش أبقولها وبصرك عاد 00
شف وانا أخوك 00
(( تكفى يا أبو ساره لايكبر راسك على الشباب )) 00
أقصد لاتسوي مثل بعض الكتاب إللي مسوين فيها ===> كبار الكتاب
يعني ينزل له موضوع وكل الشباب داخلين متحمسين ويثنون ويتشكرون ويناقشون ويثرون الموضوع 00
وهو حضرته معطي أبوهم أشكل على باله مهم ومهوب منزل راسه لهم 00
بلييييييييز من جد ابو ساره 00 ترى أكره مالي هالتصرفات 00 وأنا أحس إنك منتب منهم !!!
خلاص ماعاد عندي شي 00
بقى إني أدعي لك بالتوفيق والسداد في كل ماتقوم به 00
أخر الكلام 00
الخبردس تحت أمرك بأي نصح أو توجيه أومشاوره 00 ===> ترى ينشد فيه الظهر وقد يكون صاحب تجربة
اسلم لأخيك الخبردس 00
