ما أدري من وين أبدا ...


ومدري وش أقول .. ؟؟


قبل دقايق اتصلت على خالي عبدالله .. أسلم عليه وأتطمن .. وما أدري إنه مسافر ..

لكن المفاجأة المحزنة .. رد علي خويه .. وياليته ما رد ::

خويه يقول السالفة وكان بالسيارة وراهم ...

وهم ماسكين خط الطايف .. طلعت لهم سيارة بالخط الظاهر ان راعيها فقد السيطرة عليها ..

حاولوا يتفادونها لكن للأسف ..

صار الحادث .. ومع قوة الضربة والسرعة العالية .. مدري وش صار ..

والحين حبيبي مترقد .. هو واللي معه بأحد مستشفيات (( القويعية ))

سألته عن الوضع يقول تطمن ان شا الله خير ..

ووضعه ان شا الله بسيط ..

لكن بصراحة صوته وطريقة كلامه تخوف .. الله يستر !


------------------


وانا جاي ابخبركم لقيت خالي كتب بموضوعه انه بيسافر .. ومدري كنه حاس انه بيصير لهم شي ..

إقتباس





مباراة بكره .. رفضت حضور زواج ولد خالي بمدينة دبي .. لأنه تعارض مع مباراة مهمة للهلال .. ومشيت للرياض .. ومساء اليوم بإذن الله بعد ساعة إلى مكة لأداء العمرة ثم حضور المباراة .. وكله لعيونك ...

لعلي أرضيك بفعلي هذا .. واذا تبي أكثر من عيوني ...







آآآآه يا خالي .. الله يقومك بالسلامة ما تشوف شر يا حبيبي .. وان شا الله يطلع ما فيك شي ...


تكفون يا شباب الله يخليكم دعواتكم ::

واسمحوا لي على الكتابة السريعة وعدم التنسيق .. لاني والله منب مستوعب شي للآن

<< خالد >> ...



منقول من شبكة الهلال من ولد اخته العضو/ خالد الشلهوب !!




يارب انك تشفيه والمسلمين اجمعين !!