اخوي سعود مباراة المنتخب وديه لاتقدم ولا تاخر ولو نواف محترف برى المملكه كان ماقدر يلعب المباراة لاكن سذاجة ادارة الهلال وبعدين لو انت حضرت المؤتمر الصحفي اللي سواه تركي بن خالد وانا مالي دخل ميوله النصراويه يعني لاتقولي هذا نصراوي حاقد لانه مو موضوعنا المهم انه قال احنا مامنعنا احد عن اللعب وقلنا للاعبين تجون المعسكر بعد المباراة يعني كان يمديه يلعب المبارتين بس هو خايف من الاصابه مع انه مفروض يتوكل على ربه ويادي واجبه واذا الله كاتب له يلعب كاس العالم بيلعب واذا الله ماكتب عاد امر الله هذا لاكن وش نقول للعقول الناقصه وبعدين لعلمك ان هذا الاعب كان جاهز من بداية رمضان وهذا الكلام ماجبته من عندي هذا كلامه هو شخصيا وارجع لاحدى مقابلاته فالجزيره بعدين مادامك فتحت موضوع اهدافه اللي جابت لنا ذهب يالله اسرد لنا الاهداف اللي تقول عليها يمكن انا متابع غير جيد للهلال لاني مااذكر الا هدفين الاول كان قدام الشباب بعد كوره جته مرتده من الحارس وكان الباب فاضي يعني لو حسن العتيبي يجيبها والهدف الثاني قدام الاهلي في كاس المؤسس وكانت شوته من بعيد غير اتجاهها الدفاع ولو ماغير الدفاع اتجاهها كانت سهله على الحارس عموما اتمنى ان يكون اختلاف الراي بيني وبينك مايفسد للود اللي بينك اي قضيه ان شاء الله وعذرا للاطاله